Црна хроника
Неколку лица вклучени во измама и кражба на дрва, полицијата поднесе кривични пријави
Одделението за внатрешни работи Македонски Брод поднесе кривична пријава против Т. А. (54) од Скопје поради постоење основи на сомнение за сторени кривични дела измама и кражба, против З. М. (57) и Б. К. (62), двајцата од Македонски Брод, поради постоење основи на сомнение за сторено кривично дело злоупотреба на службената положба и овластувањето.
Против Т. Д. (51) од Охрид поради постоење основи на сомнение за сторено кривично дело злоупотреба на службената положба и овластувањето во врска со кривично дело кражба, Д. Ј. (76) од Пробиштип, Љ. С. (51) од Македонски Брод и О. Н. (67) од Македонски Брод поради постоење основи на сомнение за сторено кривично дело кражба.
Првопријавената Т. А. поднела барање за сеча од 20.2.2023 на имот со дрва во наследство од мајка си.
Откога било излезено на терен во парцелите наведени во барањето и по извршената контрола од второ- и третопријавениот, овластени службени лица од Јавното претпријатие „Национални шуми“, ПШС „Сандански“ – Македонски Брод, добила дозвола за сеча на вкупно 152,39 кубни метри дрвна бруто-маса, од кои 68,4 кубни метри нето-техничко и 68,76 кубни метри нето-огрев, која била жигосана и ѝ било издадено одобрение од 15.3.2023.
Врз основа на одобрението, Т. А. со четвртопријавениот, одговорно лице во правно лице од општина Дебарца, како и со други физички лица, склучила договор за сеча и откуп.
Притоа од парцелите што дел се во нејзина сопственост и за кои е издадено одобрението, извршила селективно посекување на дозволената дрвна маса, а дополнително од катастарска парцела, која е во нејзина сопственост, а не е впишана во одобрението, како и од катастарски парцели што се во приватна сопственост и катастарски парцели со незапишани права на сопственост и имот на РСМ, извршила бесправно посекување дрвна маса.
Потоа, третопријавениот како шумочувар, не извршил контрола на посечените стебла, а второпријавениот ја легализирал сечата со издавање испратници во согласност со претходно издадено одобрение.
Четвртопријавениот, пак, на трансакциска сметка на петтопријавениот му исплатил 44.000 денари, лично на рака на шестопријавениот му дал 15.000 денари, а за делот од дрвната маса што бил откупен од лице од Македонски Брод, по извршената купопродажба, првопријавената, за дрва кои бесправно ги посекол седмопријавениот, на рака му платила со точно неутврдена висина. Со ваквите дејства второпријавениот и третопријавениот нанеле штета на други сопственици, односно уништиле државна шума, а притоа дозволиле првопријавената да се стекне со противправна имотна корист од речиси 486.000 денари, односно да предизвика материјална штета од вкупно 1.162.070 денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се запали автомобил во двор во охридското село Лакочереј
Вчера во 13.26 часот во СВР Охрид било пријавено дека во двор во село Лакочереј, Охридско, настанал пожар во патничко возило „опел“ со охридски регистарски ознаки, сопственост на Л.С. од Охрид.
Екипа од Територијалната противпожарна единица Охрид го изгаснала пожарот, а повредени лица нема. Увид бил извршен.
Црна хроника
Со автомобил тешко повредил жена во Прилеп и побегнал
Вчера во 18.50 часот во ОВР Прилеп било пријавено дека на ул.„11 Октомври” во Прилеп, патничко возило удрило во пешакот Ж.М.(56) од Прилеп, по што возачот го напуштил местото. Во несреќата со тешки телесни повреди се здобила Ж.М., констатирани во Градската болница Прилеп.
Увид на местото на несреќата извршила увидна екипа од ОВР Прилеп.
Црна хроника
Паднат и со повреди во подземна гаража во Скопје е најден маж од Велика Британија
Во подземна гаража на улица „Анастас Митрев“ бил пронајден паднат и со повреди Х.К.Р.(58) од Велика Британија.
Како што информира денеска МВР, случајот синоќа, во 21:35 часот, бил пријавен во СВР Скопје. Лицето било пренесено во Комплексот клиники „Мајка Тереза“ за укажување помош.
Полицијата презема мерки за расчистување на случајот.