Топ
Нов напад на малолетници врз врсник во Скопје – го натепале па му го украле телефонот

Малолетно момче било нападнато од страна на неколку врсници во населбата Нерези.
Насилството се случило вчера на пладне, а случајот во полицијата го пријавила мајката на момчето.
Според пријавеното, насилниците покрај тоа што го нападнале момчето му го украле и мобилниот телефон.
Се преземаат мерки за расчистување на случајот, велат од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Тројца повредни во пожарот во дискотеката „Пулс“ сè уште се во болница: еден во Истанбул, двајца во „Систина“

Тројца повредени во пожарот во дискотеката Пулс во кој загинаа 62 лица, веќе шести месец се на болничко лекување. Директорот на Фондот за здравствено осигурување, Сашо Клековски кажа дека еден од нив е во Истанбул, а двајца се во скопската болница „Аџибадем Систина“.
„Ме радува да спомнам дека за неколку дена бројот на повредени кои се хоспитализирани се намали на тројца. Двајца пациенти се пуштени на домашно лекување, еден пациент од истанбул се врати на 27 и тој е на домашно лекување и еден пациент од Клиниката за пластична хирургија, исто така е пуштен на домашно лекување. Во моменто на лекување во болнички услови останува еден повреден во Истанбул и двајца повредени во ‘Аџибадем Систина’. За жал дваја сеуште се во тешка, но не критична состојба. Се надевам дека и таму борбата ќе биде успешна и ќе излезат закрепнати“, рече директорот Клековски денес при посетата на болницата во Кочани.
Освен тројцата кои се на болничко лекување, двајца пациенти се уште имаат потреба од повремени интервенции оти имаат отворени рани и тие се третираат во Кочани, а Фондот ги покрива контролите за шестмина повредени во болницата „Пирогов“ во Софија, Бугарија, настарана од физикалните терапии кои се редовно вршат во кочанската болница.
Клековски извести дека пластичен хирург од Белгија направил проценка на поредите кај пациентите со изгореници на лице, врат и дланки.
„Имавме чест, дојде познат пластичен хирург од Белгија кој правеше проценка на повредените со изгореници на лице, на врат и на дланки. Тоа се осумнаесетмина повредени со најсензитивни повреди за кои ќе треба подолготраен третман понатаму. Ние сме тука, ќе ја продолжиме поддршката и ќе направиме се што е потребно повредените да излезат живи, здрави и убави“, рече директорот Клековски и уште еднаш кажа дека закрепнувањето на повредените е борба на долги стази.
Директорката на кочанската болница, Катерина Паниќ-Мирчовска, кажа дека се уште е рано за естетски зафати кај повредените, но доколку се неопходни зафати на функционални делови како што прсти, врат можни се корекции доколку има такви предлози. Паниќ – Мирчовска вели дека силиконските маски направени со триде скениранње и принтање вече се изработени и во наредниот период ќе ги добијат повредените со лузни на лицето и вратот, а за шест месеци повторно ќе првата набавка на нова компресивна облека.
Топ
Полово вознемирувал малолетно девојче: уапсен 75-годишен маж од Тетовско

Вчера во 17:00 часот во СВР Тетово е лишен од слобода З.Б.(75) од тетовско.
Тој се сомничи за сторено кривично дело „полово вознемирување“, а по претходна пријава од 11.08.2025 од страна на 42-годишна жена од тетовско дека З.Б. полово ја вознемирувал нејзината малолетна ќерка.
Од страна на полициски службеници од СВР Тетово по добиена судска наредба, бил извршен претрес во дом и помошни простории на З.Б., при што биле пронајдени и одземени мобилен телефон, лап топ компјутер, ресивер и други предмети.
По целосно расчистување и документирање на случајот, ќе биде поднесен соодветен поднесок.
Македонија
Мицкоски: Почнуваме со проектот за третата фаза од пругата кон Бугарија

„Тоа ќе биде од големо значење за нас како држава, за Македонија како целина, бидејќи на тој начин ќе ја потврдиме онаа наша цел, а тоа е да бидеме крстосница на два многу значајни паневропски коридори, коридорот 10 и коридорот 8“, вели Христијан Мицкоски претседател на Владата на Република Северна Македонија одговарајќи на новинарско прашање до каде се процесните подготовки за третата фаза од изградбата на железничката пруга.
„Третата фаза е во процес на развивање, би рекол. Битно е дека сите оние пречки коишто во минатото се случуваа, се надминати. Постигната е согласност со нашиот источен сосед. Нашиот дел, би рекол, со одлуката на Влада да се активира грантот, што значи техничка поддршка од страна на Европската инвестициона банка, подразбира дека и ние отпочнуваме со овој проект. Техничката поддршка значи ревизија на основниот проект, ревизија на целосната документација и потоа објавување на јавен повик за изградба и на третата фаза, со што практично ние ќе ја заокружиме целата делница, којашто е дел од коридорот 8, од Куманово до граница со Бугарија“, изјави премиерот Мицкоски.
„Од другата страна, исто така, процесот добро напредува, така што, со ова коридорот 8 ќе биде целосно исполнет.
Коридорот 10 знаете е дел од проектот којшто го имаме со Владата на Обединетото Кралство, и тука сме во напредна фаза. Така што убави вести, убави моменти ќе има за Македонија и граѓаните во периодот којшто следи“, нагласи Мицкоски.