Црна хроника
Обвинение за скопјанец кој крадел од продавници за техничка и спортска опрема во ГТЦ
Против скопјанец на возраст од 48 години поднесено е обвинение за сторени кривични дела кражба и тешка кражба.
Како што информираат од обвинителството, на 18 февруари годинава, 48-годишникот влегол во продажен салон за техничка опрема во Градскиот трговски центар во Скопје.
Притоа ја искористил зафатеноста на вработените со купувачи, па од еден од рафтовите одзел звучник во вредност од 15.490 денари, по што незабележан го напуштил местото.
Втората кражба ја извршил на 3 март годинава, во продавница за спортска опрема во ГТЦ каде со совладување пречки успеал да одземе облека со вкупна вредност од 9.980 денари.
Тој зел три парчиња облека, влегол во гардеробата и на две од нив со употреба на сила ги оштетил алармните системи. Ги облекол двете парчиња под својата облека, па излегол од гардеробата и третото парче го вратил на касата, по што заминал.
Надлежниот јавен обвинител од судот побарал продолжување на мерката притвор која веќе му е изречена на обвинетиот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Исчезна Турчинка која престојувала во хотел во Скопје
Вчера во 23.00 часот во Полициската станица Бит Пазар, Е.Б.(34) од Република Турција пријавила дека нејзината мајка А.П.О.(73) од Република Турција се оддалечила од хотел во Скопје каде престојувала.
Се преземаат мерки за пронаоѓање на лицето.
Црна хроника
Скопјанец натепал скопјанка во Карпош, а потоа агресивно се однесувал и со полицајците
Вчера во 11.20 часот на подрачјето на Карпош, полициски службеници од СВР Скопје го привеле К.Л.(41) од Скопје, затоа што физички ја нападнал О.Л.(39) од Скопје, а потоа агресивно се однесувал кон полициски службеници кои извршувале службени дејствија.
По целосно документирање на случајот ќе следува соодветен поднесок.
Црна хроника
Оштетил паркирано возило, врата и инвентар во кафеана, такси-возило: кривична против маж од Делчево
Надворешната канцеларија за криминалистички работи Делчево поднесе кривична пријава против В. А. (36) од Делчево.
Тој се сомничи за сторено кривично дело насилство.
На 8.5.2024 пријавениот оштетил влезна врата и друг инвентар во угостителски објект, се обидел да оштети стакло од возачка врата на такси-возило, во обложувачница оштетил врата од наплатниот пулт, по што оштетил возило паркирано пред Територијалната противпожарна единица и физички нападнал двајца вработени.