Црна хроника
Останал и без невеста и без пари – измамници од Тетово му донеле лажна невеста на ерген кој ја дарувал со евра и накит
Полицијата поднесе кривична пријава против 68-годишниот И.С. од селото Нераште, тетовско и 39-годишната Е.А.Н.од Слатино, тетовско, поради измама.
„Тетовецот запознал маж со жената, која лажно му се претставила и откако го довела во заблуда дека ќе се венчаат“, објави МВР.
Тој во повеќе наврати ѝ дал 6.300 евра и накит, но свадба немало, а случајот сега е во рацете на надлежните органи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен маж од Неготино, ја вознемирувал поранешната партнерка
Неготинец бил лишен од слобода поради непочитување на судска мерка и вознемирување на поранешна партнерка, информираа денеска од СВР Велес.
„Вчера во 16.00 часот полициски службеници од ОВР Неготино го лишиле од слобода З.М.(42) од Неготино, постапувајќи по претходна пријава од страна на неговата поранешна 37-годишна партнерка од тој град. Според пријавеното, З.М. не го почитувал решението од Основен суд Неготино со мерка забрана за приближување, дошол во нејзиниот дом и по кратка расправија скршил прозорец од домот. З.М. бил задржан во полициска станица, известен бил јавен обвинител и по документирање на настанот против него ќе биде поднесен соодветен поднесок“, соопштија од СВР Велес.
Црна хроника
Скопјанец почина косејќи трева во двор, го усмртил струен удар
Вчера во 20.45 часот во СВР Скопје било пријавено дека во двор од семејниот дом на подрачјето на Бит Пазар, додека В.П.(66) од Скопје косел трева со импровизирана косилка, се здобил со струен удар и починал.
Од страна на лекар од Итната медицинска помош била констатирана смрт.
Црна хроника
Возач на трактор тешко повреден откако излетал од коловозот
Вчера во 08.45 часот во полициската станица Валандово било пријавено дека во атар на с.Чалакли, валандовско, трактор „ИМТ 533“ со полуприколка, управуван од А.П.(48) од с.Балинци, валандовско, излетал надвор од коловозот.
Во несреќата со тешки телесни повреди се здобил возачот, констатирани во Општата болница Гевгелија.
Извршен бил увид од увидна екипа од ОВР Валандово.