Црна хроника
Откриени вреќи со пастрмка на брегот кај Пештани
Две вреќи со 52 парчиња пастрмка, 11 риболовни мрежи и друг риболовен прибор открила полицијата на брегот на Охридското Езеро во близина на Пештани.
„На 4 февруари при преземање мерки за откривање на сторители кои вршат незаконски риболов, полициски службеници од СВР Охрид во близина на село Пештани, до брегот на Охридското Езеро, пронашле и одзеле две вреќи со 52 парчиња уловена риба пастрмка, 11 риболовни мрежи и друг риболовен прибор“, соопшти полицијата.
Сторителите засега се непознати, а рибите се предадени во Хидробиолошки завод Охрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Насилство во Скопско: ја нападнал поранешната партнерка и се обидел да ја силува
Вчера во 10.00 часот во Полициската станица Кисела Вода полициски службеници извршиле службен разговор со 44-годишниот М.С. од радовишко село, со престој во скопско село, постапувајќи по претходна пријава дека на 28.09.2024 во скопско, физички ја нападнал неговата 39-годишна поранешна вонбрачна партнерка и се обидел да изврши обљуба врз неа.
По целосно документирање на случајот ќе следува соодветен поднесок.
Црна хроника
Кривични против четворица царински службеници, на струмичанец му пресметале помал износ на ДДВ и давачки за увоз
СВР Куманово поднесе кривична пријава против Ј.Р.(35), В.М.(44), Д.М.(49) и С.М.(39), сите царински службеници, поради постоење основи на сомнение за сторено кривично дело „злоупотреба на службена положба и овластување“.
На 25.07.2023 на работното место на граничен премин Табановце, за влез во државата, пријавените на едно лице од Струмица му пресметале помал износ на ДДВ и царински давачки за увоз, со што му овозможиле да се стекне со противправна имотна корист, а му издале и потврда за плаќање на увозни давачки, која ја завериле со свој печат и потпис, соопшти МВР.
Црна хроника
Малолетник од Делчево тешко се повредил додека работел во дворот, се расчистува случајот
На 02.10.2024 во 17.03 часот во Полициската станица Делчево, од Итна медицинска помош Делчево било пријавено дека кај нив со тешки телесни повреди бил донесен малолетник од Делчево.
Според пријавеното, тој се здобил со повредите од остар предмет додека работел во дворно место од куќа во Делчево. За настанот бил известен Јавен обвинител и се работи на расчистување на случајот.