Топ
Сомнителна пратка во британската амбасада во Скопје, коверт со епрувети дадени на вештачење
Коверт со две епрувети пристигнал во британската амбасада во Скопје, а бил адресиран до еден од вработените.
Според информациите на МВР, вчера во 14:05 часот во полиција, од британската амбасада било пријавено дека по пошта пристигнал сомнителен пакет, адресиран за вработен кој не очекувал никаква пратка.
При преземени мерки, полициски службеници од Единицата за откривање експлозивни средства и направи утврдиле дека не станува збор за експлозивна направа, туку во пратката имало бел коверт, во кој имало две епрувети, кои биле одземени ѝдадени на вештачење.
Се преземаат мерки за расчистување на настанот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина: Непријателот постигнува тактички успеси
Украинската армијa призна дека руските сили напредуваат во нивната офанзива во североисточниот дел на регионот Харков.
Руските сили се обидуваат да се пробијат во тој регион, што предизвика тревога во Киев и кај западните сојузници за потенцијална голема офанзива врз Харков – вториот по големина во Украина, кој се наоѓа на триесет километри од руската граница.
„Непријателот моментно постигнува тактички успеси“, објави украинскиот Генералштаб.
По освојувањето неколку села во областа Харков, во моментот се водат борби во близина на градот Вовчанск, кој се наоѓа на пет километри од руската граница, пишува ДПА.
Украина тврди дека Русија бележи големи загуби, но дека и покрај тоа испраќа многубројни сили во Вовчанск кон кој се движат пет баталјони. Русија веќе го окупира Вовчанск на почетокот на војната.
Русија почна уште еден пробив кон регионот Харков на 10 мај. Во последните два дена освоила девет села, тврди руското Министерство за одбрана.
Спорт
Ждрепката за СП е за две недели, Македонија е во третиот шешир
Foto/ facebook.com/rfmofficial
Ракометната репрезентација на Македонија, вчера, направи голем пресврт, надомести минус од седум голови прптив фарските Острови и се пласира на Светското првенство.
Во „Борис Трајковски“, Македонија победи со 34:26 (15:11). Пешевски со осум, Кузмановски со седум и Митев со шест гола ја предводеа Македонија до победата.
Светското првенство ќе се одржи од 14.јануари до 2. февруари наредната година во Хрватска, Данска и Шведска. Натпреварите ќе се играат во Осло, Хернинг, Загреб, Пореч и Вараждин.
Извлегувањето на групите се одржи на 29. мај, а според проекциите Македонија ќе биде сместена во третиот шешир заедно со Аргентина, Јапонија, Алжир, Катар, Бразил, Куба, Полска.
Шешир 1:
Германија, Египет, Унгарија, Данска, Франција, Шведска, Словенија, Португалија
Шешир 2:
Норвешка, Холандија, Шпанија, Хрватска, Австрија, Исланд, Италија, Чешка
Шешир 3:
Македонија, Аргентина, Јапонија, Алжир, Катар, Бразил, Куба, Полска
Шешир 4:
Кувајт, Зеленортски Острови, Гвинеја, Бахреин, Тунис, Чиле, Соединетите Американски Држави, вајлд-карта.
Македонија
Бугарскиот претседател и премиерот: Не прифаќаме изјави од Северна Македонија што се во спротивност со меѓународните договори
Бугарија не прифаќа изјави и однесувања што се во спротивност со договорот за пријателство, добрососедство и соработка од 2017 година, како и со другите меѓународни договори што ги има потпишано Северна Македонија. Бугарија постојано и јасно го кажува својот став дека договорите мора да се реализираат, наведува во својот став бугарскиот претседател, Румен Радев.
„Европската перспектива на Северна Македонија зависи од строгото спроведување на меѓународните договори во кои таа е страна, како и од преговарачката рамка одобрена од Европскиот совет во јули 2022 година, која нема да се ревидира“, нагласува шефот на бугарската држава.
Реагира и премиерот Димитар Главчев.
„По повод церемонијата на инаугурацијата на новиот претседател на Република Северна Македонија, Бугарија не прифаќа изјави и однесување што се во спротивност и со договорот за пријателство, добрососедство и соработка од 2017 година и во принцип со договорите меѓу Европската Унија и Република Северна Македонија“, се наведува во реакцијата, пренесе „БНР.бг“.
Главчев додава и дека Северна Македонија е земја членка на НАТО, од која произлегуваат соодветните обврски и одговорности.
Новоизбраната претседателка Гордана Силјановска-Давкова вчера предизвика остра реакција и предупредувања од Грција и ЕУ кога при полагањето заклетва како шеф на државата изјави дека ќе го почитува Уставот и ќе ја брани независноста на Македонија користејќи го името што го имаше земјата пред договорот од Преспа со Грција во 2018 година, потсетуваат бугарските медуими.