Пратеничката група на ВМРО-ДПМНЕ, заедно со пратеници од коалицијата ВРЕДИ и ЗНАМ, ја поднесовме „Резолуцијата за осуда на манипулациите на опозицијата и за потврда на политиките против нелегалната миграција“, истакна денеска Никола Мицевски, координатор на пратеничката група на ВМРО-ДПМНЕ.

„По ширењето на лажни вести, невистини и манипулации од страна на СДС, ВМРО-ДПМНЕ како државотворна партија подготви Резолуција со која еднаш засекогаш ставаме точка на измислената тема на мигранти од страна на СДС.

Дозволете ми, да ви ги претставам 9-те точки од кои се состои резолуцијата.

1.Се осудува лажната кампања и манипулативното дејствување на опозициските политички партии, со кои во јавноста се пласираат невистини и инсинуации за наводно постоење договори, политики или активности поврзани со прифаќање мигранти или изградба на мигрантски кампови.

2. Се утврдува дека ниту било побарано, ниту е договорено, ниту ќе биде дозволено воспоставување мигрантски кампови, прифатни центри или трајни форми на сместување мигранти на територијата на општините во државата и дека такви активности не се и нема да бидат дел од владините политики.

3. Се констатира дека ваквите дезинформации се шират свесно и континуирано, и покрај јасните и недвосмислени ставови на надлежните институции, со цел создавање паника, нарушување на јавната стабилност и остварување краткорочни политички интереси на сметка на безбедноста и спокојот на граѓаните, што е спротивно со правилата на поредокот меѓу кои Кривичниот законик, Законот за прекршоците против јавниот ред и мир, како и Законот за спречување и заштита од дискриминација.

4. Се отфрлаат и се поништуваат сите аранжмани, одлуки и политики на поранешната Влада на Зоран Заев поврзани со создавање кампови за прием и нега на мигранти, кои беа спротивни на националните и државните интереси и ја изложуваа државата на безбедносни и општествени ризици.

5. Се потенцира дека меѓуетничките односи, стабилноста, толеранцијата и меѓусебното почитување се суштинска вредност на општеството и дека секое неодговорно политичко дејствување кое што може да ги наруши овие односи претставува сериозна закана за општествената кохезија.

6. Се потврдува определбата за принципиелна, одговорна и предвидлива надворешна политика, заснована на заштита на националните интереси и почитување на меѓународното право, при што ниту еден надворешен процес не смее да биде на штета на безбедноста и стабилноста на државата.

7. Се повикуваат сите политички субјекти и јавните чинители на одговорност во јавниот говор, почитување на фактите и воздржување од ширење лаги и манипулации кои можат да предизвикаат општествени тензии и да го нарушат јавниот ред и мир.

8. Се утврдува дека со оваа резолуција се става крај на сите шпекулации, дезинформации и лажни сценарија поврзани со наводно прифаќање мигранти или изградба на кампови и се воспоставува јасна, недвосмислена и непроменлива државна политика против нелегалната миграција.

9. Оваа резолуција стапува во сила со денот на нејзиното донесување и ќе биде објавена во Службен весник“.

Со оваа Резолуција, нагласува Мицевски, се потврдува дека Владата и Собранието никогаш нема да дозволат да се преговара за мигранти.

Уверува дека граѓаните треба да бидат спокојни.

„Со договорени мигранти за пари ДПМНЕ ја предаде Македонија, ја продаде за пари, за скапи кредит врз грбот на народот. Цела недела одбегнуваа да одговорат на нашите повици, одбегнуваа да ја потпишат Резолуцијата во којашто експлицитно стои дека нема да дозволиме да се носат мигранти“, рече Богданка Кузеска, портпаролка на СДСМ.

„Наместо да застанат заедно со нас поднесоа контра Резолуција. Контра протести, контра Резолуција, лажни вести, закани со кривични пријави, исто како во време на Никола Груевски.

Со контра Резолуцијата ДПМНЕ–ЗНАМ го потврди она што СДСМ со денови го говори: постои договор „мигранти за пари“. Државата е во тешка финансиска состојба, дупката моментално е 1 милијарда евра. Трезорот се затвора пред време, доцнат исплати за породилно, социјална помош, на ДДВ, нема пари за плати и пензии.

Но, парите не и требаат на власта за граѓаните, туку за пумпање пари преку наместени тендери и бизниси.

Сите ги видовме криминалните шеми, 161 тендер, 14,5 милиони евра само кај две фирми.

Затоа договараат мигранти за пари и скапи кредити што утре ќе ги враќаат младите и идните генерации.

Затоа во контра Резолуција нема ниту една јасна одредба што забранува носење мигранти од Британија за пари.
Има игра на зборови, мигрантите ги кријат зад термини како „економски работници“ или „нелегални мигранти“.

Ова е национално предавство. Владата на Христијан Мицкоски ја распродава иднината на Македонија.

Ние заедно со граѓаните ќе ставиме крај на овие предавнички и криминални политики на ДПМНЕ-ЗНАМ.

Крај на на предавството на Македонија. Крај на корупцијата и криминалот. Крај на тендерите за пумпање пари од граѓаните. Крај на катастрофалните економски политики.

Крај на изолацијата! Доаѓа вашиот крај. Тоа граѓаните ќе ви го испорачаат! Борбата за Македонија почна и нема да застане. Сите ќе одговарате!“, изјави Богданка Кузеска, портпаролка на СДСМ.

Во терористичкиот напад на плажата Бонди вчера беа убиени најмалку 15 цивили, од кои многумина го славеа првиот ден од еврејскиот празник Ханука. Властите потврдија дека меѓу жртвите се двајца рабини, преживеан од Холокаустот и 10-годишно девојче, објави Би-Би-Си.

Матилда, 10
Властите ја потврдија смртта на 10-годишно девојче, идентификувано од нејзиното семејство како Матилда. Ирина Гудхју, која организираше собирање средства за мајката на девојчето и рече дека таа била нејзина поранешна наставничка, напиша: „Ја познавав како паметно, среќно и живо девојче кое носеше светлина на сите околу неа“.

Нејзиното училиште, руското училиште Хармони во Сиднеј, исто така потврди дека таа била нивна ученичка. „Длабоко сме тажни што ја споделуваме веста дека поранешна ученичка на нашето училиште почина во болница од прострелни рани“, соопшти училиштето на Фејсбук.

„Нашите мисли и искрено сочувство се упатуваат кон нејзиното семејство, пријателите и сите погодени од овој трагичен настан… Нејзиното сеќавање ќе остане во нашите срца и ние го почитуваме нејзиниот живот и времето што го помина како дел од нашето училишно семејство.“ Во меѓувреме, нејзината тетка изјави за ABC News дека сестрата на Матилда, која била со неа во времето на пукањето, се бори да се справи со загубата. „Тие беа како близнаци – никогаш не се разделија“, рече таа.

Рабин Ели Шлангер
Познат како „рабинот на Бонди“, 41-годишниот Ели Шлангер беше еден од главните организатори на настанот во неделата и раководител на локалната мисија на Хабад, меѓународна хасидска еврејска организација. Смртта на британскиот татко на пет деца ја потврди неговиот братучед, рабинот Залман Луис.

Дан Елкајам
Смртта на францускиот државјанин Дан Елкајам ја потврди францускиот министер за надворешни работи Жан-Ноел Баро. „Со огромна тага дознавме дека нашиот сонародник Дан Елкајам е меѓу жртвите на терористичкиот напад што ги погоди еврејските семејства собрани на плажата Бонди во Сиднеј“, напиша тој на социјалните мрежи, додавајќи: „Нашето сочувство е до неговото семејство и најблиските, до еврејската заедница и до австралискиот народ“.

The husband of Larissa Kleytman, a grandmother who was celebrating Chanukah, was shot in the #bondibeach attack. She was very distraught coming out of St Vincent’s hospital in Sydney with friends & relatives saying he was killed next to her #Australia pic.twitter.com/ZdFactbO1d

— Farid Y. Farid (@FaridYFarid) December 14, 2025

Александар Клајтман
Александар Клајтман, кој дошол во Австралија од Украина, е преживеан од Холокаустот. „Немам сопруг. Не знам каде му е телото. Никој не може да ми даде никакви одговори“, изјави неговата сопруга, Лариса Клајтман, за новинарите пред болницата во Сиднеј во неделата вечерта. Таа раскажа како тој починал заштитувајќи ја.

Питер Мигер
Поранешниот полицаец Питер Мигер работел на настан за Ханука како хонорарен фотограф кога бил убиен, потврди неговиот рагби клуб. „За него тоа беше едноставно катастрофален случај на наоѓање на погрешно место во погрешно време“, напиша Марк Харисон, генерален директор на рагби клубот „Рандвик“.

Реувен Морисон
Реувен Морисон емигрирал во Австралија од поранешниот Советски Сојуз во 1970-тите како тинејџер, открил тој во интервју за ABC точно пред една година. „Дојдовме тука со верување дека Австралија е најбезбедната земја во светот и дека Евреите нема да се соочат со таков антисемитизам во иднина, каде што ќе можеме да ги одгледуваме нашите деца во безбедна средина“, изјави тој за националната телевизија во тоа време.

Рабин Јаков Левитан
Смртта на рабинот Јаков Левитан ја потврди Хабад, опишувајќи го како „популарен координатор“ на неговите активности во Сиднеј. Тој беше и секретар на сиднејскиот Бет Дин – рабински суд – и работеше во центарот БИНА, кој се опишува како центар за еврејско учење.