Црна хроника
Охриѓанец ловел крап со харпун, ја нападнал и полицијата, која интервенирала поради незаконит риболов
Пред неколку дена, сакајќи да фотографира ново семејство лебеди, жител кај Грашница регистрирал човек што лови крап со харпун.
Тој, како што е напишано на социјалните мрежи, отпрвин не бил сигурен, но добил потврда од жител на населбата дека се работи за индивидуа што лови крап со харпун.
Практиката, според информацијата на социјалните мрежи, траела извесно време, обично пред стемнување, кога крапот се спуштал на мрест.
„Ова не е првпат и не е само на оваа локација, постојат повеќе сведоштва. Повторно се десеткува риба при мрест на начин што е забранет со законот“, истакнуваат од невладиното здружение „Охрид СОС“.
„Во Законот за рибарството и аквакултурата, член 93 (Забрани), е наведено дека во риболовните води е забрането ‘ловење риби за време на мрестењето на рибите или за време на ловостој утврден во риболовната основа’, како и ‘ловење риби со ости, подводни пушки, непосредно со раце, трокуки, како и со мрежичка на трска, а за рекреативен риболов’. Дополнително, во член 112 е предвидена глоба во износ од 500 до 1.000 евра во денарска противвредност ако физичко лице ‘лови риби за време на мрестењето на рибите или за време на ловостој’, ‘и се движи или задржува во непосредна близина на риболовните води со носење мрежа, експлозив или други забранети риболовни средства (член 93)’“, пишува во објавата.
Министерство за внатрешни работи во текот на вчерашниот ден објави дека во 4 часот изутрина, кај месноста Грашница во Охрид, лишен од слобода бил 38-годишен охриѓанец.
Тој претходно физички ги нападнал полициските службеници, кои презеле службени дејства во врска со незаконит риболов.
По целосно документирање на настанот, против него ќе биде поднесена соодветна пријава, информира портпаролот на СВР Охрид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
17-годишник пукал од неговото кон друго возило
Малолетник од Скопско пукал од неговото кон друго возило.
Имено утрово во 01.00 часот во СВР Скопје, Н.С.(18) од с.Арнакија, скопско, пријавил дека на 23.05.2024 околу 23.30 часот на регионалниот пат Тетово-Скопје, во близина на с.Чајлане, 17-годишник од с. Бојане, скопско, кој бил со патничко возило „фоклсваген пасат“, а со кого претходно имале расправија, пукал кон Н.С. и неговото возило „сеат леон“.
Повредени лица нема. Се преземаат мерки за расчистување на настанот.
Црна хроника
Полицаец бил нападнат од осуденик во затворот Идризово
Осуденик нападнал полицаец во затворот Идризово, соопшти полицијата.
Синоќа во 22.16 часот во СВР Скопје било пријавено дека околу 20.30 часот во амбулантското одделение во Казнено поправната установа Затвор-Идризово Скопје, полициски службеник додека извршувал службени дејствија бил физички нападнат од З.П., осуденик во установата.
МВР информира дека по целосно документирање на случајот ќе следува соодветен поднесок.
Црна хроника
Се судрија товарни возила во Битола: тешко повреден сопатник
Во СВР Битола, вчера во 13.15 часот било пријавено дека на крстосницата од бул.„1-ви Мај“ и ул.„Широк сокак“, кај Саат кула во Битола се случила сообраќајна несреќа помеѓу товарно возило „фиат“ со скопски регистарски ознаки, управувано од З.Д.(45) од с.Долно Оризари, битолско и товарно возило „ивеко“ со битолски регистарски ознаки, управувано од А.Б.(50) од с.Лопатица, битолско.
Во несреќата со тешки телесни повреди се здобил сопатник од возилото „ивеко“ А.М.(48) од Битола, констатирани во Клиничката болница Битола.
Извршен бил увид од увидна екипа од СВР Битола.