Полицијата го приведе Г.М. (48) од селото Подмоље, осомничен дека ноќта меѓу 29 и 30 октомври пукал со пиштол кон стан во зграда во Струга. Во инцидентот е предизвикана материјална штета, но нема повредени лица.

Како што информира полицијата, при претрес во домот на осомничениот извршен по судска наредба биле пронајдени и одземени 25 куршуми и бела прашкаста материја.

По целосно документирање на случајот, СВР Охрид ќе поднесе соодветни кривични пријави против лицето.

Вчера околу 14:40 часот во Скопје, на територија на Ѓорче Петров, полициски службеници од Единицата за интервентна полиција при СВР Скопје го лишија од слобода 26-годишниот Б.Б. од Скопје.

Пред куќа во Ѓорче Петров, Б.Б., кој бил со патничко возило „фиат“, фрлил фолија во која имало бела грутчеста материја, по што заминал со возилото, но бил сопрен од страна на полициските службеници и лишен од слобода.

По целосно документирање на случајот против него ќе биде поднесен соодветен поднесок.

Вчера во Скопје, во Полициската станица Бит Пазар извршен е службен разговор со тројца малолетници, во присуство на нивните родители, поради основи на сомнение дека на 30.06.2025 извршиле кривично дело „разбојништво“ по член 237 од КЗ врз малолетник од Скопје.

Извршено е и препознавање од страна на оштетениот и по целосно документирање на случајот, ќе биде поднесена соодветна кривична пријава.

Исто така, од страна на полициски службеници од ОКР Центар-Бит Пазар од слобода е лишен малолетник од Скопје поради тоа што изршил кривично дело „насилство“ на 22.10.2025 врз друг малолетник.

Извршено е и препознавање од страна на оштетениот и по целосно документирање на случајот, ќе биде поднесена соодветна кривична пријава.