Топ
Пациент во болницата „8 Септември“ скокнал од прозорец и починал
![](https://makfax.com.mk/wp-content/uploads/2020/07/109291906_286475872571215_3678363693707136331_n.jpg)
Пациент кој се лекувал на интензивна нега во градската болница „8 Септември“, а кој бил и под психијатриска опсервација, утрово се самоубил скокајќи од прозорец.
„На 10.2.2021 година, пациент хоспитализиран во интензивна нега во ЈЗУ ГОБ ‘8 Септември’ – Скопје (пациент А.Ц., роден 1950 год.), во тешка состојба, и под психијатриска контрола и опсервација, и покрај сите преземени мерки, во утринските часови скокнал од прозорец од прв кат“, велат од болницата.
Од таму додаваат дека и покрај преземените реанимациски постапки од страна на дежурната екипа, во 7:30 часот пациентот починал.
Од болницата информираат дека се известени сите надлежни институции. Направен е увид на местото, телото е предадено на обдукција, а здравствениот инспекторат врши вонреден инспекциски надзор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Ограда од надвозник падна во Автокоманда, откорнати се дрвја, поплавени улици, делови од Скопје останаа без струја
![](https://makfax.com.mk/wp-content/uploads/2024/06/ograda-avtokomanda1.jpg)
Ограда од мост падна кај Автокоманда, колони возила останаа заглавени. Ваква е сликата по невремето што попладнево го зафати Скопје.
Граѓаните апелираат да не се користи влезот во Скопје преку Автокоманда бидејќи патот е целосно блoкиран, а градските служби во моментот се на терен.
Истовремено блокирани се надвозници кај Бутел и паднати се дрвја на повеќе места. Поплавени се улици во Чаир, Ченто, кај Пластичарска.
Според првичните информации во повеќе делови од градот дошло до прекин на електричната енергија, а собраниската седница, на која треба да биде избрана новата влада, е прекината откако снема струја во зградата на Парламентот. Во моментов е дадена пауза.
Невреме проследено со силен дожд, град и електрични празнења попладнево ги зафати Скопје и Тетово.
Македонија
Почина 8-месечно бебе на пат од Прилеп кон Скопје, тежело само три килограми
![](https://makfax.com.mk/wp-content/uploads/2022/08/bebe..jpg)
Осуммесечно бебе починало за време на транспорт со возило на Итната медицинска помош од Прилеп до Клиниките во Скопје.
Бебето тежело само 3 килограми, а во болницата во Прилеп во тешка здравствена состојба го донела мајката.
Наредена е обдукција на телото на бебето.
Македонија
ЕВН ќе ја гасне струјата во Тетово поради опасноста од струен удар по силното невреме
![](https://makfax.com.mk/wp-content/uploads/2024/06/tetovo-nevreme.jpg)
ЕВН ќе ја исклучува струјата улица по улица и населба по населба во Тетово поради опасноста од струен удар по силното невреме што попладнево го зафати градот, објави Центарот за управување на кризи.
Претходно од страна на Територијалната противпожарна единица Тетово преку ЦУК беше побарано исклучување на струјата во целиот град.
Невремето беше проследено со дожд, грмотевици и силен ветер во траење од околу 40 минути. Големото количество поројни води предизвика поплавување на дворови и подруми на повеќе од пеесетина куќи и објекти во пониските делови на градот, соопшти директорот на Центарот за управување со кризи, Стојанче Ангелов.
Силниот ветер и градот направија штети на земјоделските култури и овошните насади но и штети во урбаните средини (оштетени кровови, канделабри, пластифицирани настрешници, возила и др.).
На 112 има повеќе од 200 пријави на штети. Има пријави и за штети на возила вклучително и на скршени ветеобрански стакла на возила во движење на автопатот Скопје – Тетово особено во делот на општина Желино.
Штетите ќе се проценуваат дополнително.