Црна хроника
Поведена постапка за државјани на Албанија кои продавале марихуана во Гостивар

Основното јавно обвинителство Гостивар поведе постапка против двајца државјани на Албанија на возраст од 21 и 26 години, за кои постои основано сомнение дека како соизвршители го сториле кривичното дело – Неовластено производство и продажба на дрога.
На 10.10.2020 година при извршен личен претрес кај осомничените, а подоцна и извршен претрес во нивното престојувалиште, полициски службеници пронашле вкупно 226,1 грама наркотична дрога – марихуана, која осомничените ја набавиле со намера да ја продаваат во Гостивар и околината.
По донесување на Наредбата за спроведување истражна постапка, јавниот обвинител кој постапува во предметот до Основниот суд Гостивар достави предлог на осомничените да им биде определена мерка притвор. Судијата на претходна постапка при надлежниот суд, го прифати предлогот на обвинителството и на осомничените со Решение им определи притвор во траење од по 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Три лица прегазени во Скопје, едно во Струмица

Вчера во 10:40 часот во СВР Скопје е пријавено дека на ул.„60“ во с.Волково, скопско, патничко возило „фолксваген фокс“ со скопски регистарски ознаки, управувано од С.Р.(73) од Скопје, удрило во пешакот Ц.С.(55) од с.Волково.
Во несреќата со тешки телесни повреди се здобил пешакот, констатирани во Комплексот клиники „Мајка Тереза“. Извршен бил увид од увидна екипа од СВР Скопје.
Истиот ден во 15:35 часот во СВР Скопје е пријавено дека на бул.„Србија“ во Скопје мотоцикл „јамаха“ со скопски регистарски ознаки, управуван од А.М.(26) од населба Илинден, скопско, удрил во 76-годишната Н.К. од Скопје.
Во несреќата со тешки телесни повреди се здобила Н.К., констатирани во Комплексот клиники „Мајка Тереза“. Извршен бил увид од увидна екипа од СВР Скопје.
Во СВР Скопје на 29.09.2025 во 09:30 часот било пријавено дека на ул.„Мајка Тереза“ во Скопје, патничко возило „хонда“ со скопски регистарски ознаки, управувано од 49-годишната М.П. удрило во малолетен пешак, двајцата од Скопје.
Во несреќата со тешки телесни повреди се здобил пешакот, констатирани во Комплексот клиники „Мајка Тереза“. Извршен бил увид од увидна екипа од СВР Скопје.
82-годишна жена била тешко повредена по удар од патничко возило во Струмица.
Имено синоќа во 20:30 часот во СВР Струмица е пријавено дека на крстосницата од ул.„Младинска“ и ул.„Панче Пешев“ во Струмица, патничко возило „мерцедес“ со струмички регистарски ознаки, управувано од П.Т.(66) од Струмица, удрило во пешакот К.Б.(82) од Струмица.
Во несреќата со тешки телесни повреди се здобил пешакот, констатирани во Медицинскиот центар Струмица. Извршен е увид од јавен обвинител и увидна екипа на СВР Струмица.
Црна хроника
17-годишник од Скопје сакaл да си го убие татка си

СВР Скопје поднесе кривична пријава против 17-годишник од Скопје.
Тој се сомничи за сторено кривично дело „убиство“ во обид.
Имено на 06.09.2025 во семејниот дом, пријавениот со остар предмет му нанел тешки телесни повреди на неговиот 51-годишен татко, соопшти полицијата.
Црна хроника
Уапсен прилепчанец, возел со двојно поголема брзина од дозволената

Вчера во 15:18 часот на улицата „Карпалак“ во Прилеп, полициски службеници од ОВР Прилеп го лишија од слобода З.Т.(42) од Прилеп.
При сообраќајна контрола со радар, полициските службеници констатирале дека управувал товарно возило „фолксваген” со скопски регистарски ознаки со брзина од 121 километар на час на место каде брзината на движење е ограничена со сообраќаен знак на 50 километри на час.
По целосно документирање на случајот, против него ќе биде поднесена соодветна пријава по член 297-а од Кривичниот законик – „безобѕирно управување со моторно возило”.