Црна хроника
Поднесено обвинение за кражба во автобус

Основното јавно обвинителство Скопје поднесе обвинителен предлог против 59-годишно лице поради кражба во автобус.
Обвинетиот на 21 јануари, искористувајќи ја турканицата во автобус што се движел по булеварот Партизански одреди, одзел паричник во кој се наоѓале 1.200 денари, лични документи, една дебитна картичка во сопственост на оштетената, како и една дебитна картичка сопственост на нејзиниот сопруг, со лист хартија на која бил запишан ПИН-кодот од картичката.
Кога се симнал од автобусот, обвинетиот влегол во аптека и со картичката купил стока во износ од 3.165 денари. Потоа, на банкомат направил седум успешни трансакции и подигнал вкупен износ од 35.000 денари. Со ова обвинетиот стекнал вкупна противправна имотна корист од 39.365 денари.
Надлежниот јавен обвинител, имајќи ја предвид казната за кривичното дело, општествената опасност и зачестеноста на ваквиот вид кривични дела, како и фактот дека обвинетиот е специјален повратник, процени дека во конкретниот случај постои опасност од бегство или криење со цел да се избегне кривичната одговорност. Од тие причини јавниот обвинител на Основниот кривичен суд Скопје му предложи да ја продолжи претходно определената мерка притвор како неопходна за непречено водење на кривичната постапка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Жена од Тетово измамена за 2.000 евра: и кажале дека нејзината ќерка предзвикала сообраќајна несреќа во Скопје со смртни последици

Вчера во 12:40 часот во СВР Тетово, 83-годишна тетовчанка пријавила дека била измамена од едно лице за сума од 2.000 евра.
Според пријавеното лицето и се јавило телефонски и ја известило дека нејзината ќерка предзвикала сообраќајна несреќа во Скопје во која починал малолетник и доколку не сака таа да оди во затвор треба да донесе пари во Скопје.
Како што е пријавено, таа ги однела парите на договореното место, а подоцна откако се слушнала со нејзиниот зет сфатила дека била измамена.
Се преземаат мерки за расчистување на случајот.
Црна хроника
Пожар во куќа во Гази Баба, нема повредени

Вчера во 09:10 часот во СВР Скопје, 75-годишната М.Д. од Скопје пријавила дека на 19.09.2025 околу 21:00 часот настанал пожар во нејзината куќа на подрачјето на Гази Баба.
М.Д. го изгаснала пожарот, а повредени лица нема. Полициски службеници од Полициска станица Гази Баба излегле на местото.
Црна хроника
Изгоре „опел инсигниjа“ во Скопје, од пожарот зафатено уште едно возило

Денеска во 02:42 часот во СВР Скопје било пријавено дека на паркинг пред зграда на булеварот „Кочо Рацин“ во Скопје било опожарено патничко возило „опел инсигниа“ со скопски регистарски ознаки, сопственост на 32-годишниот А.Л. од Скопје.
Од пожарот било зафатено и патничко моторно возило „тојота лендкрузер“ со скопски регистарски ознаки, сопственост на В.А. (68) од Скопје.
Бригадата за противпожарна заштита Скопје го изгаснала пожарот, а повредени лица нема. Увид на местото бил извршен од увидна екипа од СВР Скопје.