Црна хроника
Пожари беснеат во Кочанско, Струшко и Кумановско
Во кочанското село Пресека, на местото викано Горница завчера избувнал пожар, при што била зафатена површина од околу 50 хектари борова и дабова шума со ниско стеблеста вегетација.
Екипи на Територијалната противпожарна единица – Кочани, вработени во Шумско стопанство и шумска полиција Кочани, преземаат мерки за гасење на пожарот.
Вчера бил пријавен шумски пожар над село Октиси, во делот помеѓу с.Октиси и место викано Беличка река, во Струшко, при што на непристапен терен горела букова шума.
За пожарот бил известен Центарот за управување со кризи и Територијалната противпожарна единица – Струга и се преземаат мерки за гасење.
Вчера бил регистриран шумски пожар над кумановското село Липково, при што била зафатена површина од околу 1500 метри квадратни дабова шума.
За настанот биле известени Територијалната противпожарна единица – Куманово и Центарот за управувње со кризи и се преземаат мерки за гасење на пожарот.
Синоќа, пак, избил пожар кај место викано Јаворица, атар на село Давидово, во кој горела нискостеблеста шума.
Пожарот бил локализиран од екипа на Територијална противпожарна единица – Неготино.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.