Црна хроника
Превентивни активности на МВР за заштита од пожари и побезбеден сообраќај

Во текот на вчерашниот ден (26.9.), на подрачјата под надлежност на секторите за внатрешни работи Скопје, Битола и Штип и РЦГР Север, од страна на полициски службеници беа реализирани повеќе превентивни активности за зголемување на безбедноста во сообраќајот и заштитата на шумите од пожари.
Така, на подрачјето на СВР Скопје, поточно во реоните на селата Орман и Никиштани, беа спроведени превентивни активности од кампањата за заштита на шумите од пожари, а на подрачјето на СВР Штип, односно во Делчево, ОВР Делчево ја реализира акцијата со мотото „Не користи мобилен телефон додека возиш“.
Полициски службеници од СВР Битола, односно од ОВР Прилеп, Крушево и Ресен на подрачјето на Прилеп, Крушево и Ресен спроведоа едукативно-превентивни активности во насока на зголемување на безбедноста во сообраќајот, овој пат фокусирајќи се на правилното паркирање, на заморот како проблем во сообраќајот и на безбедноста на пешаците.
Вчера, и полициски службеници од Регионалниот центар за гранични работи Север, поточно од ПС за ГП и ГН Пелинце, на подрачјето на оваа организациска единица спроведоа едукативни активности во насока на превенција од шумски пожари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нова сообраќајка на Партизанска: автомобил удри во жена, тешко е повредена

Шеесет и осумгодишна жена од Скопје била удрена од автомобил денес околу 16 часот на улицата Партизански одреди.
Таа е пренесена во Градската болница и констатирани и се тешки телесни повреди.
Од МВР информираа дека во неа удрило патничко возило „опел” со скопски регистарски ознаки, управувано од В.Ј.(26) од Скопје.
Известен е јавен обвинител и против В.Ј. ќе биде поднесена кривична пријава.
Црна хроника
Пронајдена му е дрога на работното место, кривична пријава за полициски службеник

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство Охрид поднесе кривична пријава против А.М., полициски службеник во ПСОН Охрид при СВР Охрид, поради постоење основи на сомнение дека сторил кривично дело „неовластено производство и пуштање во промет на наркотични дроги, психотропни супстанции и прекурзори “ по член 215 став 1 од КЗ.
Во временскиот период кога полицискиот службеник А.М. бил предвиден за работа и извршувал работни задачи на обезбедување на вила Бела (поранешна вила Македонија), сопственост на Министерството за внатрешни работи, од страна на вработени во Одделот за внатрешна контрола, криминалистички истраги и професионални стандарди бил извршен преглед врз А.М. и работната просторија- стражарската куќарка, при што од прегледот во работната просторија, на работната маса била затекната метална лажица во која имало бела прашкаста материја, хартиена салфетка во која имало бела прашкаста материја и мало пластично шише со нн течност, со импровизирана цевка од банкнота од 10 денари, затворено со алуминиумска фолија на отворот на шишето, на која имало остатоци од нн материја.
Од страна на вработени од Одделот за внатрешна контрола, криминалистички истраги и професионални стандарди А.М. бил известен за потребата од испитување за присуство на матаболити од наркотични средства во урината во Институтот за судска медицина во Скопје. Од страна на доктор на Итна медицинска помош Охрид било утврдено дека А.М. е во добра општа состојба и може да патува во Скопје, но истиот одбил да соработува со вработените на Одделот и да се подложи на испитување.
Против А.М. од страна на Одделот за внатрешна контрола, криминалистички истраги и професионални стандарди веќе е покрената дисциплинска постапка и задолжителна мерка за отстранување од работното место- суспензија од работното место.
Црна хроника
Го затворил во домот и со пиштол му барал да го вработи и да му препише во сопственост возило: уапсен охриѓанец

Вчера полициски службеници од СВР Охрид го лишиле од слобода А.И. од Охрид, постапувајќи по претходна пријава од страна на маж од Охрид, заради постоење сомнение за сторени кривични дела „противправно лишување од слобода“ (чл. 140 ст.1 од КЗ) и „изнуда“ (чл.258, ст.1 од КЗ).
Според пријавителот, инаку во роднинска врска со пријавениот, на 31.03. 2025 околу 21 часот А.И. дошол во домот на пријавителот и со пиштол, под закана го држел и физички го нападнал, барајќи од него да му препише во сопственост патничко возило и да добие вработување во фирмата на пријавителот. При тоа, консумирал и бела прашкаста материја.
Откако пријавителот ветил дека ќе ги исполни барањата на А.И., заедно се упатиле кон фирмата на пријавителот, при што тој успеал да побегне и случајот го пријавил во полиција.
А.И. е лишен од слобода, а бил извршен и претрес во стан и други простории кои тој ги користи, при што се пронајдени пиштол, кеси со семки од канабис, остатоци од канабис, една дробилка. предмети со остатоци од бела прашкаста материја и друго
По целосно расчистување на случајот ќе следува соодветен поднесок, соопшти полицијата.