Црна хроника
Превентивни активности на МВР за заштита од пожари и побезбеден сообраќај

Вчера (3.10), на подрачјето на секторите за внатрешни работи Битола и Штип продолжија превентивните активности на полициските службеници насочени кон темите од областа на безбедноста во сообраќајот, заштитата од пожари на отворено, како и во рамките на кампањата „Слави со срце, не со оружје“.
На подрачјето на СВР Битола, односно во Прилеп, во Основното општинско училиште „Кире Гаврилоски“ и во Крушево беа спроведени сообраќајни превентивни акции наменети за децата, како и за возачите, а во Демир Хисар превентивните активности беа посветени на заштита на шумите од пожари.
Во Штип, пак, полициски службеници од Отсекот за превенција при СВР Штип во угостителските објекти на подрачјето на градот реализираа активности во врска со кампањата „Слави со срце, а не со оружје“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Пронајден хашиш кај Италијанец на паркинг на Средно Водно, одреден му е притвор

Вчера околу 21:00 часот на паркинг простор на Средно Водно од страна на полициски службеници од Единицата за интервентна полиција при СВР Скопје од слобода е лишен 27-годишниот Л.Т. од Република Италија. При извршен преглед кај него е пронајден хашиш.
Од страна на Единицата за недозволена трговија при СВР Скопје против Л.Т. е поднесена кривична пријава по итна постапка до надлежен обвинител, а од страна на судија на претходна постапка му е одредена мерка 30-дневен притвор во КПУ Скопје.
Црна хроника
Маж од Богданци ја истепал сопругата, со која се во бракоразводна постапка, во кафеана

Вчера во 23:15 часот во Полициската канцеларија Богданци, 35-годишна жена од Богданци пријави дека околу 21:40 часот во угостителски објект во Богданци била физички нападната од нејзиниот сопруг К.Т.(43) од Богданци, со кого се во бракоразводна постапка.
За настанот е известен јавен обвинител и се преземаат мерки за расчистување на случајот.
Црна хроника
Опожарен трансформатор на ЕВН, нема повредени лица

Вчера во 21:50 часот во СВР Штип е пријавено дека во село Криви Дол, штипско, настанал пожар на трансформатор, во сопственост на ЕВН Македонија.
Повредени лица нема. Екипа од Територијалната противпожарна единица Штип го изгасиле пожарот.