Црна хроника
Приведени двајца криумчари, пронајдени 14 мигранти

Утреово околу 5 часот на магистрален пат кај с. Смоквица и кај клучка Демир Капија, полициски службеници од Полициската станица за Граничен премин Богородица привеле двајца скопјани кои превезувале мигранти.
Според информациите, при преглед во патничкото возило „ауди“, со битолски регистарски ознаки, во кое се превезувале И.С.(31) и А.М.(30), биле пронајдени 14 лица мигранти (13 од Сирија и еден од Пакистан), а И.С. се обидел да избега, но бил фатен. Додека, А.М. бил запрен со неговото возило „ауди“, со скопски регистарски ознаки, поради сомнение дека помагал во извршување на делото.
Претходно, кај с. Удово двете возила не застанале на знак за запирање даден од полициските службеници, но набргу, на крстосницата за с. Смоквица бил запрен А.М. со неговото возило, а малку подоцна кај клучка Демир Капија бил фатен и И.С.. Двете лица биле приведени во полициска станица, а мигрантите биле сместени во Прифатно-транзитниот центар во Гевгелија. За настанот бил известен Јавен обвинител и по целосно документирање на случајот ќе следи соодветен поднесок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.