Црна хроника
Приведени две лица што дилале дрога од изнајмен стан во скопски Центар

Во вечерните часови на 17 февруари, од страна на одделот за криминалистичка полиција, во координација со Единицата за недозволена трговија при СВР Скопје, уапсени биле А. С. (25) и М. К. (20), поради сомнение за сторено кривично дело неовластено производство и пуштање во промет наркотични дроги.
Како што информираат од МВР, по претходно добиена судска наредба, полицајци извршиле претрес во стан на подрачјето на Центар, каде што привремено престојувале двете лица, при што биле пронајдени марихуана, дигитална вага и парични средства.
Двајцата уапсени се задржани во полициска станица за понатамошна постапка, а по документирање на случајот, против нив ќе бидат поднесени пријави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Скопјанка нападнала две лица по сообраќајно недоразбирање во Карпош

На подрачјето на Карпош, вчера по претходно недоразбирање во сообраќајот, бил нарушен јавниот ред и мир.
Како што објави МВР во дневниот полициски билтен, полициски службеници излегле на лице место, при што било констатирано дека Е.Ѓ.(29) агресивно се однесувала, удирајќи по патничко возило „мерцедес“ со битолски регистарски ознаки управувано од Ј.Б.(39) и сопатникот Е.Ѓ. (29) сите од Скопје, при што физички ги нападнала.
По целосно документирање на случајот ќе следува соодветна пријава.
Топ
MВР со детали за превртениот автомобил кај Волково – возачот е 25-годишен, меѓу тешко повредените и дете

Три лица се тешко повредени, а едно полесно во сообраќајката што се случи вчера на автопатот Скопје-Тетово, во близина на клучката кај Волково.
Според деталите од МВР, автомобилот е од марката „бмв“ со скопски регистарски ознаки управуван од Х.И.(25). Тој излетал од коловозот и се превртел.
Покрај возачот, тешко повреден е и неговиот сопатник Б.Б., но и уште еден малолетен сопатник кои биле пренесени на Комплексот клиники.
Со телесни повреди се здобил сопатникот А.И.(56).
Извршен бил увид.
Црна хроника
Автомобил удри во велосипедист од Прилеп

Автомобил удри во велосипедист на улицата Андон Слабејко во Прилеп, пришто велосипедистот се здоби со тешки повреди.
Несреќата се случи вчера на пладне.
„Автомобил „опел“ со прилепски регистарски ознаки управуван од О.Ѓ.(75) удрил во велосипед управуван од М.Т.(50), инаку двајцата од Прилеп. Во несреќата велосипедистот се здобил со тешки телесни повреди констатирани во Градската болница Прилеп“, соопшти МВР.
Извршен бил увид.