Црна хроника
Приведени четворица крадци од Скопје, одзеле повеќе предмети од објект на ЈП „Железници“

Единицата за внатрешни работи Аеродром и Драчево при СВР Скопје поднесе кривична пријава против Е.З.(52), А.А.(55), Р.Д.(31) и С.Д.(32), сите од Скопје, поради постоење основи на сомнение за сторени пет кривични дела „тешка кражба“, од кои една во обид.
Имено, пријавените делата ги извршиле во периодот од 30.03. до 14.04.2025, при што од објект на ЈП Железници на РСМ -Железничка инфраструктура Скопје одзеле машина за обработка на дрва, мотор од компресор, алати и разни други предмети и се стекнале со имотна корист од околу 1.239.000 денари. На 14.04.2025, при обид да извршат „тешка кражба“ во објектот, тие биле затекнати и лишени од слобода од полициски службеници.
Од страна на Судија на претходна постапка на Е.З., Р.Д. и С.Д. им била одредена мерка притвор во траење од осум дена, а на А.А. му била изречена мерка домашен притвор во траење од осум дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
(Видео) Полициски службеници спасија повредено лице на Шар Планина, со хеликоптер пренесено во Клинички центар „Мајка Тереза”

Полициски службеници од САЕ Тигар и ОВЕ денеска со хеликоптерот Бел 412 спасија повредено лице од Шар Планина, во реонот на Гостивар, информираат од Министерството за внатрешни работи.
Од МВР велат дека веднаш по добиената пријава дека на Шар Планина се превртело возило, а со повреди се здобил А.Џ., тие се упатиле на местото на настанот и повреденото лице е успешно преземено и транспортирано до Клиничкиот центар „Мајка Тереза“ во Скопје за укажување лекарска помош.
Црна хроника
Лишени од слобода двајца турски државјани поради предизвикување пожар во Горно Нерези

Полицијата приведе двајца турски државјани кои додека работеле со апарат за заварување предизвикале пожар.
„На 20.09.2025 во 18:00 часот полициски службеници од СВР Скопје ги лишиле од слобода Џ.К.(50) и А.А.(43), двајцата од Република Турција, со привремен престој во Скопје. Тие се сомничат дека на плац во Горно Нерези, скопско, предизвикале пожар. Имено, додека работеле со апарат за заварување, од искрите настанал пожар на сува трева, кој се проширил и надвор од плацот. Пожарот е изгаснат од страна на Бригадата за противпожарна заштита Скопје, а повредени лица нема“, информираат од Министерството за внатрешни работи.
Од МВР додаваат дека по целосно документирање на случајот ќе следува соодветна пријава.
Црна хроника
Лишен од слобода маж од струмичко поради подметнување пожар

Полицијата приведе 42 годишен маж од струмичко под сомнение дека подметнал пожар во селото Василево.
„На 20.09.2025 во 15:00 часот во село Василево, струмичко, полициски службеници од СВР Струмица го лишиле од слобода Е.А.(42) од село Василево, струмичко. Тој се сомничи дека околу 12:00 часот подметнал пожар на место викано „Џидет“, во атар на село Василево, во кој била зафатена нива со сува вегетација. Од страна на Територијалната противпожарна единица Струмица пожарот бил изгаснат, а повредени лица нема. Увид на местото извршиле увидна екипа на СВР Струмица и инспектор за пожари. Лицето е задржано во Полициската станица Струмица и за настанот е известен јавен обвинител од Основното јавно обвинителство Струмица“, информираат од Министерството за внатрешни работи.
Од МВР додаваат дека по целосно документирање на случајот, против Е.А. ќе биде поднесена соодветна пријава.