Црна хроника
Приведен криминалец баран со потерница за затворска казна од шест и пол години, пронајдена и дрога

На улицата Јуриј Гагарин во Скопје, полициски службеници од Оперативниот тим потраги при СВР Скопје, во содејство со Единицата за интервентна полиција при СВР Скопје, го лишиле од слобода Д. Т. (34) од Скопје. Тој бил баран по централна потерница врз основа на судска наредба за издржување казна затвор од шест години и шест месеци за сторено кривично дело разбојништво по член 237 од Кривичниот законик.
Исто така, Основниот кривичен суд Скопје има издадено уште две наредби за негово приведување поради сомнение за сторени уште неколку кривични дела разбојништво и недозволено држење оружје и распрскувачки материи по член 396 од Кривичниот законик за кои му била определена и мерка притвор.
При лишувањето кај него биле пронајдени и одземени пиштол, бела прашеста материја, дигитална вага и пари. Лицето ќе биде спроведено во надлежната казнено-поправна установа за издржување на казната.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсен крадец од Кавадарци – крадел во куќи, викендички, продавници

Полицијата поднесе кривична пријава против О.В.(42) од Кавадарци поради постоење основи на сомнение за сторени 11 кривични дела, од кои девет кривични дела „тешка кражба“ и две кривични дела „кражба”.
Во периодот од септември 2024 година до јануари 2025, О.В., најчесто со употреба на сила и подесен алат, од викенд куќи, семејни домови, верски објекти и продажен објект, на подрачје на Кавадарци и Росоман украл различни предмети.
Со извршување на делата тој се стекнал со противправна имотна корист од околу 466.000 денари. На 16 јануари О.В. е ауспен, а по издадена наредба од Основен суд Кавадарци, при извршен претрес во домот каде престојувал, биле пронајдени и одземени предмети од извршените кривични дела.
Црна хроника
Малолетничка од Чашка повредена во сообраќајна несреќа

Вчера во 18.05 часот во СВР Велес било пријавено дека на крстосницата од улицата „Илинденска“ со улицата „Коста Рацин“ во општина Чашка се случила сообраќајна несреќа помеѓу патничко возило „фиат пунто“ со велешки регистарски ознаки, управувано од Ѓ.Н.(66) од Велес и електричен тротинет, управуван од малолетничка од Чашка.
Во несреќата со тешки телесни повреди се здобила малолетничката, констатирани во Општата болница Велес.
Извршен бил увид од увидна екипа од СВР Велес.
Црна хроника
Тешко повреден мотоциклист: сообраќајна незгода на магистралниот пат Струмица – Радовиш

Вчера вечер во 21.45 часот во СВР Струмица е пријавено дека на магистралниот пат Струмица-Радовиш, на „Градашорска крстосница“, се случила сообраќајна несреќа помеѓу патничко возило „сеат“ со велешки регистарски ознаки, управувано од Т.У.(34) од Велес, а со престој во Струмица, и мотоцикл „јамаха“ со радовишки регистарски ознаки, управуван од И.В.(53) од Радовиш.
Во несреќата со тешки телесни повреди се здобил мотоциклистот, констатирани во Медицинскиот центар Струмица.
Извршен бил увид од увидна екипа од СВР Струмица.