Црна хроника
Приведен шверцер на мигранти од Зелениково

На автобуска постојка на влез во село Прдејци, Гевгелиско, полициски службеници од Полициската станица за граничен премин и граничен надзор Богородица го лишиле од слобода 37-годишниот М. Ѓ. од село Пакошево, општина Зелениково, извести МВР.
„Имено, околу 15.40 часот, на регионалниот пат Прдејци – Смоквица, полициските службеници затекнале 24 лица мигранти. По извршен разговор со нив, било констатирано дека М. Ѓ. ги превезувал со возило комбе ‘форд транзит’, со гевгелиски регистарски ознаки, со кое запрел на наплатната рампа ‘Смоквица’ и побегнал. По преземените мерки, возилото било пронајдено и во негова близина биле затекнати седум лица мигранти по што бил пронајден и возачот М. Ѓ.“, соопшти МВР.
Лицето било задржано во полициска станица, а мигрантите биле привремено сместени во прифатно-транзитен центар во Гевгелија. По целосно документирање на случајот, во координација со јавен обвинител, против него ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кривични за две лица поради кражба на цркви во Свети Николе

Полицијата поднесе кривична пријава против Д.К.(37) од Пробиштип поради постоење основи на сомнение за сторени пет кривични дела „тешка кражба“ по член 236 и едно кривично дело лажно претставување по член 391 од Кривичниот законик. Тој се сомничи дека ги сторил кражбите во периодот од 11.05.2025 до 15.05.2025 во цркви на подрачјето на Свети Николе, а при една лажно се претатсвувал на свештено лице како полициски инспектор.
По преземени мерки и активности, на 16.05.2025 во 12.30 часот во Свети Николе, тој е лишен од слобода, по што е спроведен во Полициската станица Пробиштип каде бил задржан во врска со судска наредба за приведување и спровод во Казнено – поправната установа Затвор Струмица.
Исто така, во истиот период, ОВР Свети Николе расчисти и кривично дело „тешка кражба“од црква во Свети Николе, сторена од М.Ј. од Свети Николе. Таа е пронајдена и против неа, исто така, е поднесена кривична пријава до Основното јавно обвинителство Свети Николе по член 236 од Кривичниот законик.
Топ
Двајца загинати во тешка сообраќајна несреќа во Скопје: мотоцикл излетал од коловозот и удрил во бетонски столб

Во тешка сообраќајна несреќа што се случи денеска на крстосницата меѓу булеварите „8 Септември“ и „Никола Карев“ во Скопје две лица го загубија животот.
„Денеска во 18.23 часот во СВР Скопје е пријавено дека на крстосница на булеварот „8 Септември“ со булеварот „Никола Карев“ во Скопје мотоцикл со скопски регистарски таблички излетал од коловозот и удрил во бетонски столб. Возачот на мотоциклот и сопатникот починале на местото на настанот, а смрт констатирал лекар од Итна медицинска помош“, велат од МВР
Црна хроника
Претрес во валандовско, пронајдена дрога, приведено едно лице

Синоќа во селото Марвинци, валандовско, полицијата го приведе К.А.(34) од село Марвинци.
При претрес на неговиот дом, извршен со судска наредба, биле пронајдени бела прашкаста материја, предмети со остатоци од бела прашкаста материја, шприц и мало шише исполнети со течност.
За настанот е запознаен јавен обвинител од Основното јавно обвинителство Гевгелија, а по документирање на случајот против К.А. ќе биде поснесена соодветна пријава.