Црна хроника
Прилепчанец се скарал со синот па му го запалил автомобилот
Прилепчанец се скарал со својот син, па му го запалил автомобилот, соопшти МВР.
Лицето е приведено.
„Полициски службеници од СВР Битола-ОВР Прилеп го лишиле од слобода Г.К.(47) од Прилеп. Имено, постапувајќи по пријава дадена во 16.47 часот според која на улица ,,Бистра Планина” во Прилеп настанал пожар во патничко возило “бмв”, без регистарски ознаки, сопственост на М.К.(26) од Прилеп, преземени се мерки и активности, пожарот е изгаснат од територијалната противпожарна единица, извршен е увид и е констатирано дека пожарот на возилото го предизвикал приведениот, татко на оштетеното лице, по претходна меѓусебна семејна расправија. По документирање на случајот против него ќе биде поднесена пријава за ,,Предизвикување општа опасност” по чл.288 од Кривичниот законик“, соопшти МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Kривична за тројца тетовци, меѓу нив и директорот на ПИОМ: со меѓусебен договор ја изиграле постапката за јавен повик на сметка на државниот буџет
Единицата за корупција при Одделот за сузбивање организиран и сериозен криминал до Основното јавно обвинителство за гонење организиран криминал и корупција поднесе кривична пријава против Д. Б. (45) од Тетово поради постоење основи на сомнение за сторени кривични дела злоупотреба на постапка за јавен повик, доделување договор за јавна набавка или јавно-приватно партнерство и злоупотреба на службената положба и овластувањето и против Р. Б. (72) и А. Х. (40) од Тетово, поради постоење основано сомнение за сторено кривично дело помагање по член 24 во врска со кривичното дело злоупотреба на постапка за јавен повик, доделување договор за јавна набавка или јавно-приватно партнерство по член 275-в и злоупотреба на службената положба и овластувањето по член 353 од Кривичниот законик.
Пријавениот Д. Б. во својство вршител на должноста директор на Фондот за пензиското и инвалидското осигурување на Република Северна Македонија, на 22.2.2023 објавил повик за заинтересираност за закуп на деловен простор за потребите на Фондот во два дневни весника, на кој во својство на потенцијални закуподавци се јавиле М. С. и Ј. Б. од Тетово како сопственици на недвижен имот. Второпријавениот Р. Б. (татко на Д. Б.) стапил во контакт со М. С. и Ј. Б., кои имале дадено оглас за продажба на недвижен имот во Тетово, при што се договориле да ја продадат куќата за сума од 260.000 евра, но најпрвин да потпишат документација за давање под закуп на недвижниот имот со Фондот за пензиско и инвалидско осигурување, а потоа да склучат и преддоговор за купопродажба на имотот.
Имено, на 2.3.2023 помеѓу Фондот, застапуван од пријавениот Д. Б., од една страна и М. С. и Ј. Б., од друга, бил склучен договор за закуп на недвижен имот со износ на закупнина од 1.890 евра месечно за времетрање на договорот од 20 години или во вкупен износ од 453.600 евра. Истиот ден бил склучен и преддоговор за купопродажба на недвижниот имот меѓу М. С. и Ј. Б. и третопријавената А. Х. (сестра на Д. Б.). Потоа, М. С. како закуподавец паричните средства што Фондот месечно ѝ ги исплаќал за закуп ги вадела од својата сметка и во готовина на рака му ги давала на второпријавениот Р. Б. бидејќи во согласност со преддоговорот за продажба и нивниот меѓусебен договор имотот бил продаден на ќерка му.
Исто така, од страна на првопријавениот Д. Б., знаејќи дека ќе има потреба од реконструкција и адаптација на горенаведениот имот, на 30.0 1.2023 била донесена одлука за јавна набавка по што била спроведена постапка за јавна набавка за тековно одржување во централа, филијали, деловници, пензионерски домови. На 17.3.2023 Фондот со економскиот оператор од Тетово склучил договор за јавна набавка, а на 31.7.2023 бил потпишан и анекс-договор, врз основа на кој биле исплатени вкупно 9.915.238 денари со вклучен ДДВ.
Со ваквите дејства, пријавениот Д. Б., заедно со пријавените Р. Б. и А. Х., ги повредил прописите за постапката за јавен повик и со нивниот меѓусебен договор ја изиграле постапката, па така сестра му, пријавената А. Х., стекнала право на сопственост на недвижниот имот, кој е предмет на закуп од страна на Фондот за пензиско и инвалидско осигурување, со што пријавените нанеле штета на Фондот во вредност од 37.852.275 денари или 614.484 евра од буџетот на РСМ.
Топ
Две тинејџерки во Скопје тепале соученичка, а уште две снимале – таткото на нападнaтото девојче има видео
Насилство во близина на средно училиште во Центар. Две тинејџерки тепале соученичка, а уште две снимале со мобилен телефон.
Ова се случувало во октомври, но деновиве до видео материјалот дошол таткото на нападнатото девојче, кој случајот го пријавил во МВР.
Од полицијата велат дека се преземаат мерки за расчистување, а засега нема информации за возраста на средношколките.
МВР во денешната хроника информираше за уште еден сличен случај на врсничко насилство што се одвивал пред два дена на подрачјето на општина Аеродром, а во близина на основно училиште. Според информациите од полицијата, малолетник бил физички нападнат од друг малолетник, соученик во училиштето. Полицијата го расчистува и овој случај.
Црна хроника
Тротинет се судри со автомобил во Струмица
Вчера на крстосницата од бул. „Балканска“ и ул. “Крушевска република“ во Струмица се случила сообраќајна несреќа помеѓу електричен тротинет управуван од А.Ѓ.(47) и патничко возило „фиат пунто“ со струмички регистарски ознаки, управувано од П.Р.(72), двајцата од Струмица.
Во несреќата со тешки телесни повреди се здобила А.Ѓ., констатирани во Општата болница Струмица.
Извршен бил увид од увидна екипа од СВР Струмица, објави МВР во дневниот билтен.