Вчера во 13.45 часот во СВР Битола, 60 – годишна жена од Битола пријавилa дека била измамена од едно лице за сума од 10.000 евра.

Според пријавеното, пред околу четири месеци на фејсбук стапила во контакт со лицето, кое се претставило дека е со македонско потекло, дека е вработен во армијата на САД, а моментално на мисија во Сирија и дека сака да ја прекине мисијата.

Како што е пријавено, лицето ја известило дека мора да уплати 10.000 евра доколку сака да ја прекине мисијата и побарало од неа да ги пушти парите на лице во Турција преку брз трансфер на пари, затоа што додека бил на мисија немал пристап до неговата банкарска сметка.

Полицијата соопшти дека се преземаат мерки за расчистување на случајот.

Полицијата соопшти дека малолетничка била допирана по телото во училишен двор во Скопско.

Имено вчера во 13.00 часот во СВР Скопје било пријавено дека на 13.11.2024 околу 13.50 часот во двор од основно училиште во скопско село, едно лице допирало по телото малолетна ученичка од училиштето.

Се преземаат мерки за расчистување на случајот.

Утрово во 09.30 часот, на магистралниот пат Охрид-Кичево, во близина на Подмољје, општина Дебрца, се случи сообраќајна незгода помеѓу патничките моторни возила „Пасат“ со струшки регистарски ознаки, управуван од С.Л.(37) од струшкото село Корошишта и „Тигуан“ со струшки регистарски ознаки, управуван од Е.Б.(26), од селото Лабуништа, соопшти полицијата.

Притоа, совозачите на двете возила како и едно малолетно лице-сопатник во првото возило, се здобиле со телесни повреди, констатирани во болницата „Св.Еразмо“ во Охрид.

Увид на местото на незгодата извршија полициски екипи.