Црна хроника
Притвор за двајца струмичани кои биле фатени како пренесуваат дрога
Основното јавно обвинителство Битола донесе наредба за спроведување истражна постапка против две лица од Струмица, осомничени за кривично дело неовластено производство и пуштање во промет на наркотични дроги.
Двајцата соизвршители, на 8 февруари, од засега непознати лица, неовластено набавиле наркотична дрога марихуана наменета за продажба. Дрогата, спакувана во 47 најлонски пакувања со вкупна нето-маса од 44.516 грама и сместена во три патнички торби, ја пренесувале со автомобил „шкода октавија“ со скопски регистарски ознаки на патот Ресен – Битола. Марихуаната ја пронашле полициски службеници од ОВР Ресен кои извршиле преглед на возилото.
Надлежниот јавен обвинител до Основниот суд во Битола поднесе предлог за определување мерка притвор спрема осомничените, бидејќи постои опасност да се дадат во бегство за да го избегнат кривичниот прогон, да влијаат врз можните сведоци и соучесници или да го повторат делото. Судијата на претходна постапка го прифати преедлогот на обвинителот и донесе решение со кое определи притвор во траење од 30 дена за двајцата осомничени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Во скопска фирма затекнати седум турски државјани кои незаконски работеле
Денеска, по претходно добиени оперативни информации, од страна на полициски службеници од Отсекот за странци при Регионалниот центар за гранични работи Север во соработка со трудов инспекторат извршена е контрола во правно лице во Скопје.
При контролата биле затекнати седум турски државјани, кои незаконски работеле во државата.
Лицата биле приведени во Полициската станица Кисела Вода и во текот на денот до Основниот суд Скопје1, против нив ќе биде поднесено барање за поведување на прекршочна постапка за сторен прекршок по Закон за странци, спротивно на член 23, а казниво по член 217 став 1 точка 2.
Црна хроника
Приведени криминалци барани со потерници
Денеска околу 12.50 часот на улицата Даме Груев во Скопје, полицијата го приведе Ќ.М. (34) од Скопје, кој бил баран со потерница па затворска казна во траење од шест години за сторено кривично дело по чл.418-в ст.1 и чл.418-б ст.4 во врска со ст.2 и чл.45 од КЗ.
Исто така, денеска (01.10.2024) околу 12 часот на бул. „Крсте Мисирков“ во Скопје полициски службеници од Оперативен тим потраги при СВР Скопје го лишија од слобода М.А. (56) од Скопје, кој бил баран со потерница по наредба на Основен кривичен суд Скопје за затворска казна во траење од една година за сторено кривично дело по чл.396 ст.1 во врска со чл.12 ст.2 од КЗ.
Лицата ќе бидат предадени на надлежните казнено-поправни установи.
Црна хроника
Пронајдена дрога кај осуденик во штипскиот затвор
СВР Штип поднесе кривична пријава против Н.Ј.(39) од Виница поради постоење основи на сомнение за сторено кривично дело „неовластено производство и пуштање во промет наркотични дроги, психотропни супстанци и прекурзори“.
На 23.07.2024 затворски полицаец при влез во Казнено поправниот дом Штип, извршил преглед над пријавениот- осудено лице, при што била пронајдена и одземена марихуана.