Црна хроника
Притвор за две лица кои криумчареле 40 мигранти

Постапувајќи по кривичната пријава поднесена од Министерството за внатрешни работи, надлежен јавен обвинител од Основното јавно обвинителство за гонење организиран криминал и корупција донесе наредба за спроведување на истражна постапка против едно дваесет и четиригодишно лице и барање за поведување на подготвителна постапка против шеснаесетгодишно дете во судир со законот. Постои основано сомневање дека двете лица, жители на села во општина Желино, сториле кривично дело криумчарење мигранти од чл.418-б ст.4 в.в со ст.2 вв чл. 22 од КЗ.
Во раните утрински часови во текот на вчерашниот ден, на регионалниот пат с.Богородица – с.Стојаково, кај место викано ˶Табла Богородица˝, двајцата осомничени биле затекнати како прифаќаат 40 лица – илегални мигранти во ТМВ марка ˶форд транзит˝. Со намера да ги превезат до македонско-српската граница, осомничените ги товарале илегалните мигранти во задниот товарен дел на возилото. По извршен преглед на возилото, полициските службеници утврдиле дека покрај возилото и во неговиот внатрешен товарен дел се наоѓаат четириесет лица илегални мигранти од кои две малолетни лица. Осомничените се лишени од слобода и изведени пред судија на претходна постапка, односно судија за деца при Основниот кривичен суд – Скопје.
Предметниот обвинител ценејќи дека постојат околности што го оправдуваат стравот oд опасност од бегство, дека ќе ги сокријат, фалсификуваат или уништат трагите на кривичното дело и дека со влијание врз сведоци и соучесниците ќе ја попречат истрагата, како и стравот ако се бранат од слобода дека ќе го повторат делото, до судијата на претходна постапка и судијата за деца достави предлог за определување на мерката притвор за двајцата осомничени. Судијата на претходна постапка го прифати предлогот на обвинителството и на осомничениот со решение му определи мерка притвор во траење од 30 дена, додека судијата за деца на детето во судир со закон му определи мерка – куќен притвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсени пијани возачи од Битола и од Демир Хисар: едниот со возилото удрил во рабник

Вчера во 16:40 часот на експресниот пат Прилеп-Велес, полициски службеници од СВР Велес го лишија од слобода Н.П.(40) од Битола.
Тој, управувајќи патничко возило „форд“ со битолски регистарски ознаки удрил во банкина, а по извршените проверки било констатирано дека го управувал возилото со 2,83 промили алкохол во крвта.
Утрово во 00:12 часот на ул. „Битолска” во Демир Хисар, полициски службеници од ОВР Демир Хисар го лишиле од слобода В.Ц.(47) од Демир Хисар.
При контрола на патниот сообраќај, полициските службеници запреле возило „голф” со демирхисарски ознаки, кое го управувал В.Ц., и по преземени мерки било констатирано дека е под дејство на алкохол, односно измерени му биле 2.60 промили алкохол во крвта.
Лицата се задржани во полициска станица и по целосно документирање на случаите, ќе бидат поднесени кривични пријави по член 297-а од КЗ – „безобѕирно управување со моторно возило”, информираат од МВР.
Црна хроника
Уапсен Британец на охридскиот аеродром: во неговата чанта пронајдени куршуми

Вчера во 09:45 часот на Граничен премин Аеродром „Св.Апостол Павле“-Охрид, на излез од државата, полициски службеници го лишиле од слобода С.Џ.Б.(40) од Велика Британија.
При гранични проверки, во неговата чанта биле пронајдени и одземени три куршуми и четири чаури.
Тој бил предаден на полициски службеници од Одделението за прекуграничен криминал, миграции, странци и реадмисија при Регионалниот центар Запад за понатамошна постапка и по целосно документирање на случајот, против него ќе биде поднесена соодветна пријава.
Црна хроника
17-годишник тешко повреден кога со возилото излетал од патот во Струшко

Ноќеска во 22:10 часот, на локален пат во струшкото село Радолишта, патничко возило „голф“ со струшки регистарски ознаки, управувано од 17- годишно момче од струшкото село Франгово, излетало од патот.
Возачот се здобил со тешки телесни повреди, констатирани во болницата „Св.Еразмо“ во Охрид, а 15-годишен сопатник од селото Заграчани со телесни повреди, констатирани во Општата болница во Струга.
Извршен е увид од увидна екипа од СВР Охрид.