Црна хроника
Притвор за четворицата скопјани кои шверцувале кокаин од Албанија
Судот определи 30-дневен притвор за двајца, а домашен притвор за третиот осомничен кои што беа приведени поради набавка на кокаин од Албанија.
Во координирана акција на Одделите за сузбивање организиран и сериозен криминал на Македонија и Албанија, биле извршени претреси на повеќе локации во Скопје и Прилеп и приведени четири лица – А. М. (51), Д. З. (37), М. Ј. (35) и Д. Ј. (39), сите од Скопје.
Денеска до ОЈО за ГОКК поднесена е кривична пријава против А. М., Д. З., М. Ј., сите од Скопје, како и против Р. Т. (45) од Прилеп, поради постоење основано сомнение за сторено кривично дело неовластено производство и пуштање во промет наркотични дроги, психотропни супстанции и прекурсори по член 215 ст. 3 од Кривичниот законик, соопшти Сузана Прањиќ-Талевска од МВР.
Четирите лица се дел од меѓународна организирана криминална група инволвирана во организирање транспорт на кокаин за земјите од ЕУ, кои во текот на јуни 2021 од непознати лица од Албанија набавиле, а потоа и организирале пренесување на 300 пакувања со маса од 324,4 килограми кокаин за Р. Италија со товарно возило „даф“ со приколка, со скопски регистарски ознаки, управувано од Н. А..
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен битолчанец за издржување затворска казна од седум години и единаесет месеци
Вчера, во 14.30 часот, полициски службеници од ОВР Кичево, на булеварот Ослободување во Кичево го приведоа Н. Н. (37) од Битола.
За него била распишана потерница од Казнено-поправната установа „Затвор Прилеп“, со која се барал за издржување затворска казна од седум години и единаесет месеци за сторени повеќе кривични дела тешки кражби.
Н. Н. бил спроведен во Казнено-поправната установа „Затвор Прилеп“ за издржување на казната.
Црна хроника
Кучиња скитници искасаа тројца скопјани
Вчера, во 17.15 часот, во Полициската станица Аеродром, В. В. (57) од Скопје пријавил дека на улицата Димитар Туриманџовски во Скопје бил каснат од куче скитник.
Подоцна, во 22.50 часот, во Полициската станица Гази Баба, Е. Б. (54) од Скопје, пријавила дека на улицата Финска во Скопје била касната од куче скитник.
Истиот ден, во 16.50 часот, во Полициската станица Ѓорче Петров, А. А. (31) од Скопје пријавил дека на улицата Шар Планина во Скопје бил каснат од куче скитник.
Црна хроника
Тешко повреден малолетник по судир на четирицикл и автомобил
Во текот на вчерашниот ден во 18.38 часот во ОВР Кичево било пријавено дека на магистралниот пат Гостивар – Кичево, кај с.Трапчин Дол, се случила сообраќајна несреќа помеѓу патничко возило „фиат седичи“ со кичевски регистарски ознаки, управувано од Ѓ.П.(37) од с.Козица, кичевско, и четирицкл „поларис“, управуван од малолетник од с.Длабкин Дол, кичевско.
Во несреќата малолетникот се здобил со тешки телесни повреди, констатирани во Медицински центар Кичево.
Извршен бил увид од јавен обвинител и увидна екипа од ОВР Кичево.