Црна хроника
Продавачката од Светомитрани го убила оти ѝ се додворувал и ѝ се заканувал

Полицијата од Крушево поднесе кривична пријава против М.П. (33) од село Светомитрани, крушевско, поради постоење основи на сомнение за сторено кривично дело „убиство“.
Имено, во петокот, во колонијална продавница пријавената, по кратка расправија, со ловна пушка „Бајкл“ калибар 12мм, сопственост на нејзиниот свекор, испукала два истрели во пределот на градите на Н.Д. (44) од истото село.
Тој починал на самото место, а М.П. била приведена. Од преземени мерки било утврдено дека причина за убиството е тоа што, сега починатиот, ѝ се додворувал и барал да стапи во љубовна врска со него.
Од почетокот на 2017 година постојано ѝ се јавувал на телефон, секојдневно доаѓал во продавницата за да ѝ се додворува, а почнал физички и психички да ја малтретира.
Ѝ упатувал и сериозни закани дека ако таа не стапи во љубовна врска со него тој ќе го убие нејзиниот син. Исто така ја уценувал дека ќе каже на нејзиниот сопруг дека била со него во интимна врска, иако тоа не било вистина./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Тешко повреден велосипедист од Радовиш, бил удрен од „мерцедес“

Вчера околу 11:15 часот во ОВР Радовиш е пријавено дека на булеварот „Александар Македонски“ во Радовиш се случила сообраќајна несреќа во која учествувале велосипед управуван од 68-годишниот Д.М. од Радовиш и патничко возило „мерцедес“ со швајцарски национални ознаки, управувано од Р.А.(36) од Радовиш.
Во несреќата со тешки телесни повреди се здобил велосипедистот, констатирани во Клиничка болница Штип.
Извршен е увид од увидна екипа на ОВР Радовиш.
Црна хроника
Син истепал татко, брат нападнал сестра: два случаи на семејно насилство во Кисела Вода

На 07.10.2025 во 11:21 часот во СВР Скопје, 68-годишен маж пријави дека во домот на подрачјето на Кисела Вода, неговиот 35-годишен син физички го нападнал и оштетил дел од покуќнината.
Вчера во 09:18 часот во СВР Скопје, 50-годишен маж пријави дека околу 08:30 часот во домот на подрачјето на Кисела Вода, неговата малолетна ќерка била физички нападната од неговиот малолетен син.
Полицијата презема мерки за расчистување на случаите
Црна хроника
Кривична против тетовец: заградил парцела во државна сопственост и ја користел како паркинг место за автомобили

СВР Тетово поднесе кривична пријава против 53-годишниот Н.Х. од Тетово поради постоење основи на сомнение за сторено кривично дело „узурпација на недвижности“.
Пријавениот во село Сараќино, тетовско, заградил катастарска парцела во државна сопственост и ја користел како паркинг место за автомобили.