Двајца Македонци го загубија животот во трагична сообраќајна несреќа што се случи помеѓу меѓу комбе и камион во близина на Боскалто ди Лорегија, Италија.

Како што јавуваат италијанските медиуми, се работи за Фуат Етемовски (65) и Бајрам Бајрамоски (52) кои живееле со децении во Италија и биле работници во фабрика, а се враќале со своето комбе дома по напорниот работен ден.

Фаталната несреќа се случила во 19 часот во вторникот на 25 март. Третиот учесник во несреќата е тешко повреден, и според информациите, станува збор за државјанин на БиХ.

Вознемирувачко видео кружи на социјалните мрежи од лице од Радовиш кое ја тепа својата сопруга, а сето тоа е пренесувано во живо на „Тик-ток“.

Видеото ги вознемири корисниците на социјалните мрежи во земјава, кои упатија апели насилникот да биде веднаш приведен. На снимката жената не се гледа, но се слуша нејзиниот глас, а се тврди и дека таа е бремена.

Според информациите од полицијата за „Макфакс“ постапено е и лицето веќе е приведено во полициска станица по споделувањето на снимкта.

Се очекува СВР Струмица да излезе со сите детали во текот на утрешниот ден.

Советот на јавни обвинители остана без кворум и без да изнесе мислење за државниот обивнител, Љупчо Коцевски.

Седницата беше одложена оти тројца членови не можеле да присуствуваат поради здравствени и семејни причини.

Претходно, премиерот Христијан Мицкоски најави дека постапката за разрешување на Коцевски ќе сопре за да им дадат шанса на обвнителите да работат на предметот за трагедијата во Кочани.

Владината портпаролка Марија Митева ја појасни владината позиција.

„Она на што се однесуваше дека како Влада ќе ја прекине постапката се однесува на делот што Владата потоа по добиеното мислење треба да го испрати таквото мислење до Собранието. Да појаснам дека Владата, и доколку добие мислење од страна на Советот на јавни обвинители, ќе ја запре постапката односно истото нема да го прати до Собрание, а се разбира Советот на јавни обвинители согласно роковите кои што ги има ќе постапува“, изјави Митева, одговарајќи на новинарски прашања.

Законскиот рок да дадат мислење за владиниот прелдог за разршеување е до 3 ти април а Советот за сега не добил известување од Владата дека ќе биде стопирано разрешувањето на Коцевски.