Црна хроника
Пукање кај Бит Пазар, оштетени возила и куќа
Вчера во 22.55 часот во СВР Скопје било пријавено дека на подрачјето на Бит Пазар од огнено оружје биле оштетени прозорци од куќа и две патнички возила „фолксваген артеон“ и „фолксваген пасат“, двете со скопски регистарски ознаки, во сопственост на А.С.(40) од Скопје, а исто така биле оштетени и прозорци од соседната куќа, во сопственост на Џ.Л.(35).
Извршен бил увид од увидна екипа од СВР Скопје и од местото на настанот подигнати се чаури и предадени за понатамошна постапка.
Се преземаат мерки за расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Шест лица се испотепале за паркинг место во Ѓорче Петров
Вчера во 14.30 часот во СВР Скопје било пријавено дека на подрачјето на Ѓорче Петров, по претходно недоразбирање околу паркинг место бил нарушен јавниот ред и мир со физичка пресметка помеѓу С.Р.(69), О.Р.(45) и С.Р.(22) од една страна и З.Р.(59), А.Р.(23) и Е.Р.(22) од друга страна, сите од Скопје, а бил употребен и тврд предмет.
По целосно документирање на случајот ќе следува соодветен поднесок.
Црна хроника
Почина затвореник од Кичево во Идризово
Вчера во 18.10 часот во СВР Скопје од Казнено поправна установа Идризово било пријавено дека околу 15.00 часот во установата починал осуденикот А.А.(65) од с.Строгомиште, кичевско.
Од страна на лекар од Итната медицинска помош констатирана била смрт без видливи траги на насилство. Известен бил Јавен обвинител и по негова наредба телото на починатиот било предадено за обдукција.
Извршен бил увид.
Топ
Две деца од Кочани и Куманово тешко се повредиле кога, возејќи мопеди, се судриле со автомобили
МВР соопшти за две одделни сообраќајни незгоди што се случиле вчера, а во кои учесници биле деца на мопеди.
До првата дошло на крстосницата од улиците Страшо Ербапче и Кирил и Методиј во Кочани. Се судриле автомобил управуван од М.Ѓ.(33) и мопед со кочански регистарски ознаки, управуван од малолетник, двајцата од Кочани.
Во несреќата со тешки телесни повреди се здобил малолетникот, констатирани во Клиничка болница Штип.
Истиот ден, во кумановската полиција било пријавено дека на крстосницата од улиците Веселин Маслеша и 500 во Куманово се случила сообраќајна несреќа помеѓу патничко возило „фолксваген голф“ со кумановски регистарски ознаки, управувано од Љ.В.(60) од Куманово и мопед управуван од малолетник од село Тромеѓа, кумановско.
И вториот малолетник се здобил со тешки телесни повреди, констатирани во Општата болница Куманово.
Извршен бил увид на местата кадешто се случиле двете сообраќајни несреќи.