Црна хроника
Работник тешко повреден при поправка на лифт
Работник е тешко повреден при поправка на лифт во Скопје. Според полицијата, вчера во 14:15 часот во Единицата за информации и команда Скопје, од Градската општа болница „Св.Наум Охридски“, било пријавено дека кај нив бил донесен Г.П. (28) од кумановско Агино Село, вработен во приватна фирма.
Додека вршел поправки на лифт во комплекс згради на булеварот „Србија“, лифтот ненадејно тргнал и го повредил во пределот на вратот и грбот. Од страна на лекар, кај Г.П. биле констатирани тешки телесни повреди. За настанот бил известен трудов инспектор. Се работи на расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Мотор удри во авромобил во Прилеп, сопатничката е тешко повредена
Вчера во полицијата во Прилеп било пријавено дека на улицата Орде Чопела во градот, мотоцикл „хонда” со прилепски регистарски ознаки, управуван од З.Ѓ.(25) од с.Долнени, прилепско, удрил во заден дел на патничко возило „фолксваген пасат“ со скопски регистарски ознаки, управувано од С.С.(40) од Скопје.
Во несреќата, со тешки телесни повреди се здобила Б.Д.(33) од с.Чепигово, сопатничка на мотоциклот, а возачот на мотоциклот З.Ѓ. се здобил со телесни повреди, констатирани во Градска болница Прилеп.
Увид на местото на несреќата извршила увидна екипа на ОВР Прилеп.
Црна хроника
Со автомобил удрил во малолетничка во Радовиш па побегнал, МВР го пронајде возачот
На булеварот Александар Македонски во Радовиш, автомобил управуван од Ѓ.Ѓ.(37) од Радовиш, удрил во малолетно девојче, по што го напуштил местото.
Во несреќата со тешки телесни повреди се здобила малолетничката, констатирани во Медициски центар Штип, соопшти полицијата во дневниот билтен.
Се додава дека по преземени мерки и активности, возачот бил пронајден на 12 октомври и со него бил извршен службен разговор.
Увид бил извршен од екипа на Полициската станица Радовиш, за настанот бил запознаен јавен обвинител од Основното јавно обвинителство Радовиш и по целосно документирање на случајот против него ќе биде поднесена соодветна пријава.
Црна хроника
Скопјанка со автомобилот излета од автопатот кај Куманово
Синоќа околу 01.50 часот во полицијата било пријавено дека на автопатот Куманово-Скопје, кај Агино Село, автомобил „фолксваген голф“ со скопски регистарски ознаки, управуван од М.Ѓ.(34) од Скопје, излетал надвор од коловозот.
„Во несреќата, М.Ѓ. се здобила со тешки телесни повреди, констатирани во приватна болница во Скопје“, објави МВР.
Извршен бил увид,