Црна хроника
Седумнаесетгодишник со мотор удрил во малолетно девојче: двајцата пренесени во болница

Две лица повредени во сообраќајна несреќа во Скопје. Според информациите, несреќата се случила синоќа на крстосницата од улицата Маџари со улицата Палмиро Тољати кога мотор удрил во малолетничка од Скопје.
„На 18.7.2023, во 22.40 часот, во СВР Скопје било пријавено дека на крстосницата од улицата Маџари со улицата Палмиро Тољати во Скопје, мопед ‘априлија’, со скопски регистарски ознаки, управуван од 17-годишник од Скопје, удрил во малолетничка од Скопје. Во несреќата тешки телесни повреди добил возачот на мопедот, а телесни повреди добила малолетничка констатирани во Градската општа болница ‘Св.Наум Охридски’ и комплексот клиники ‘Мајка Тереза’“ соопшти МВР.
Извршен бил увид од екипа на СВР Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
31-годишен скопјанец почина по пукање на Бит Пазар

31-годишен маж од Скопје почина од повредите здобиени при пукање попладнево на Бит Пазар.
„Во врска со пукањето на Бит Пазар, ве известуваме дека повредениот А.С. (31) им подлегнал на повредите“, велат од МВР.
Претходно МВР извести дека околу 14 часот во СВР Скопје е пријавено дека на улицата „Војдан Чернодрински“ на подрачјето на Бит Пазар има пукање од огнено оружје.
Полициски службеници од Полициската станица Бит Пазар излегле на местото и било констатирано дека се работи за вооружена престрелка, при што едно лице е повредено и е пренесено во Ургентен центар при Комплексот клиники „Мајка Тереза“.
На местото на настанот најдени се повеќе чаури.
Црна хроника
Пронајден е возачот кој во Охрид удри пешак и побегна

Дваесет и четиригодишник од Охрид управувал со возилото со кое беше прегазен пешак синоќа на улицата Гоце Делчев во градот.
Тој со својот автомобил удрил во 59-годишниот Е.С. од Охрид кој се здобил со тешки повреди, па го напуштил местото.
„По преземените мерки, полициски службеници од Полициската станица за безбедност во патниот сообраќај Охрид, констатирале дека се работи за патничко моторно возило „фолксфаген ап“ со охридски регистарски ознаки, управуван од С.П.(24) од Охрид“, велат од МВР.
По извршено алкотестирање, кај возачот и пешакот не било утврдено присуство на алкохол во организмот.
По овластување на јавен обвинител увид на местото изврши екипа на СВР Охрид, додека по целосно документирање на случајот против С.П. ќе биде поднесена соодветна пријава.
Црна хроника
Скопјанец со мотор удри во 10-годишно девојче на Џон Кенеди

Приведен е 34-годишен скопјанец (Ј.О.) кој околу 11.30 часот, управувајќи мотор на улицата Џон Кенеди во Скопје удри во десетгодишно девојче.
Детето е примено на комплексот клиники со тешки повреди.
Од МВР за случајот информираа дека известен е јавен обвинител, а против 34-годишникот ќе биде поднесена соодветна пријава.