Утрово во 6:30 часот во Битола, полициски службеници од Полициската станица за безбедност на патниот сообраќај на СВР Битола го лишиja од слобода битолчанецот Р. Д. (24) затоа што управувал возило под дејство на алкхол.

Од СВР Битола информираа дека при сообраќајна контрола, полициските службеници запреле патничко возило „алфа ромео“ со битолски регистарски ознаки, кое го управувал Р.Д. и при извршена контрола констатирано е дека е под дејство на алкохол, односно измерени му се 1,51 промили алкохол во крвта.

По целосно документирање на случајот, против него ќе биде поднесена пријава за „безобѕирно управување со моторно возило“, потврдија од СВР Битола.

Како што е познато, максимално дозволениот алкохол во крвта на лица кои што управуваат моторно возило изнесува 0,5 промили во крвта, а за возачи почетници 0,09 промили.

Јавен обвинител од Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека во последните 2 месеца вршело кривично дело – Изнуда од член 258 став 1 од Кривичниот законик.

Осомничениот, телефонски и преку пораки на различни апликации упорно контактирал жена во странство, и упатувал сериозни закани по нејзиниот и по животот на нејзините мајка и брат, доколку не му исплати 15.000 евра.

На оштетената и дал рок до 26.09 за исплата на парите, па се договориле да му испрати 500 евра по Вестерн унион, што таа го направила на 17 септември. За исплата на дополнителни 4.500 евра требало да дојде во земјава и да му ги предаде пред Клиниката за онкологија.

Кога пристигнала во земјава на 25 септември оштетената веднаш го пријавила. Штом дошол на договореното место да ги земе парите, осомничениот 37-годишник бил приведен.

Имајќи ги предвид сите околности, опасноста од бегство, можноста да влијае врз сведоците и оштетените или да го повтори делото, јавниот обвинител предложи на осомничениот да му биде определена мерка притвор.

Во Скопје вчера биле пријавени два одделни случаи на меѓуврсничко насилство.

Првиот случај го пријавила мајката на 14-годиишно девојче, дека подолг временски период три малолетнички ја следеле, вознемирувале и упатувале закани на најзината ќерка.

-Вчера во 13:30 часот во СВР Скопје, С.П.(44) од Скопје пријавила дека подолг период три малолетнички ја следеле, вознемирувале и упатувале закани на најзината  14-годишна ќерка, додека на 24.09.2025 ѝ упатиле закани преку мобилна апликација, стои во полискиот билтен.

За настанот е известен јавен обвинител и се преземаат мерки за рачистување на случајот.

Вториот случај го пријавил таткото на малолетно момче, кое физички било нападнато од неколку негови соученици.

-Во СВР СКопје вчера во 13:45 часот, Т.Т.(57) од Скопје пријавил дека на 25.09.2025 околу 11:30 часот во спортска сала од основно училиште на подрачјето на Чаир, неговиот малолетен син бил физички нападнат од неколку негови соученици, се вели во полицискиот билтен.

Се преземаат мерки за расчистување и на овој случај.