Црна хроника
Се преврте трактор во Сарај, двајца повредени
Две лица се повредени кога се преврте тракторот во кој се превезувале во скопски Сарај. Според полицијата, вчера во 18.30 часот на улицата 1 во село Сарај, Скопско, трактор со скопски регистарски ознаки, управуван од Ј. С. (25) од истото село, изгубил контрола и се превртел.
Притоа возачот Ј. С. добил тешки телесни повреди, а 15-годишен сопатник од село Грчец добил телесни повреди. Тие биле пренесени во Градската општа болница „8 Септември“, каде што им била укажана лекарска помош. Увид на местото извршила екипа од СВР Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
На Табановце уапсен маж од Косово, приложил фалсификуван документ
Вчера во 16.00 часот на Граничниот премин Табановце, на влез во државата, полициски службеници го лишиле од слобода 42-годишниот Ш.А. од Косово затоа шти при извршена пасошка контрола и проверки било констатирано дека приложил фалсификувана полска возачка дозвола.
Тој бил предаден на полициски службеници во СВР Куманово за понатамошна постапка.
Црна хроника
Се судрија „пежо“ и мотоцикл во Битола, со тешки повреди едно лице пренесено во болница
Вчера во 08.29 часот во СВР Битола било пријавено дека на крстосницата од улицата „Македонска фаланга“ со улицата „Буковска“ и улицата „Индустриска“ во Битола се случила сообраќајна несреќа помеѓу патничко возило „пежо“ со битолски регистарски ознаки, управувано од 48-годишниот Т.С. и мотоцикл со битолски регистарски ознаки, управуван од 53-годишниот Д.Г., двајцата од Битола.
Во несреќата со тешки телесни повреди се здобил возачот на мотоциклот, констатирани во Клиничката болница Битола. Извршен бил увид од увидна екипа од СВР Битола, соопшти МВР.
Црна хроника
Тешко повреден мотоциклист во сообраќајна незгода во Кавадарци
Вчера во 15.00 часот во Полициската станица Кавадарци било пријавено дека на улица „Западен булевар“ во Кавадарци се случила сообраќајна несреќа помеѓу патничко возило „нисан“ со велешки регистарски ознаки, управувано од Х.С.(29) и мотоцикл со кавадаречки регистарски ознаки, управуван од Ф.Л.(20), двајцата од Кавадарци.
Во несреќата со тешки телесни повреди се здобил возачот на мотоциклот, констатирани во Општата болница Кавадарци. Извршен бил увид од увидна екипа од ОВР Кавадарци.