Црна хроника
Скопјанец без дозвола изградил угостителски објект на плажа во Струга

Управител на хотел во Струга без дозвола изградил угостителски објект иако знаел дека рокот за закуп на земјиштето е истечен.
„Пријавениот К. Б. како управител и одговорно лице во правното лице, иако знаел дека договорот за закуп и користење плажа во близина на Струга, склучен помеѓу правното лице и Министерството за транспорт и врски, бил изминат по што требало земјиштето да го врати во сопственост и во владение на Република Северна Македонија, без одобрение за градење во текот на јуни 2020 изградил угостителски објект и без решение извршил реконструкција на постоен објект. Тој исто така со пријавениот Д. Г. склучил договор за закуп на наведеното земјиште и објект за рок од 4.5.2020 до 4.5.2022 година“, соопшти МВР.
ОВР Струга поднесе кривична пријава против К. Б. (58) од Скопје и правно лице – хотел од Струга поради постоење основи на сомнение за сторени кривични дела злоупотреба на службената положба и овластувањето и бесправно градење и против Д. Г. (37) од Вевчани поради постоење основи на сомнение за сторено кривично дело узурпација на недвижности.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Неколкумина повредени во сообраќајна незгода во Тетовско

Вчера во 12.25 часот во СВР Тетово било пријавено дека на локалниот пат село Боговиње-село Урвич, тетовско, се случила сообраќајна несреќа помеѓу патничко возило „форд“ со тетовски регистарски ознаки, управувано од Н.Ш.(52) од село Шипковица, тетовско и патничко возило „фолксваген голф“ со тетовски регистарски ознаки, управувано од Ф.Р.(68) од село Ново Село, тетовско.
Во несреќата со тешки телесни повреди се здобила Ј.И.М, сопатничка во возилото „форд“, додека со телесни повреди се здобиле возачот Ф.Р. и останатите сопатнички од возилото „форд“, С.Л., М.А., М.Џ и М.Д., констатирани во Клиничка болница Тетово.
Извршен бил увид од увидна екипа од СВР Тетово.
Црна хроника
Малолетник нападнат во парк во Кисела Вода

Вчера во СВР Скопје, 37-годишната Ф.И. од Скопје пријавила дека околу 19.50 часот во парк на подрачјето на Кисела Вода, нејзиниот малолетен син бил физички нападнат од едно машко лице, кое, исто така, било во паркот со неговото дете.
Се преземаат мерки за расчистување на случајот.
Црна хроника
Во сообраќајна незгода во општина Липково повредени мотоциклистот и неговиот сопатник

На 16.06.2025 околу 20.40 часот во СВР Куманово било пријавено дека на крстосница од локалниот пат село Виштица-село Никуштак и пат за село Виштица, општина Липково, се случила сообраќајна несреќа помеѓу мотоцикл „јамаха“ без регистарски таблички, управуван од Ф.С.(27) од село Липково и патничко возило „фолксваген голф“ со кумановски регистарски ознаки, управувано од 20-годишната А.Ј. од Скопје.
Во несреќата со тешки телесни повреди се здобил мотоциклистот, а со телесни повреди се здобил неговиот сопатник С.М.(23) од Скопје, констатирани во Комплексот клиники „Мајка Тереза“.
Извршен бил увид од увидна екипа од СВР Куманово.