Топ
Скопјанка и нејзиното бебе нападнати од куче скитник, пријавени уште два случаја на каснување
Во текот на вчерашниот ден тројца скопјани пријавиле каснување од куче скитник во полициските станици во градот.
На 5.9.2024, во 9.15 часот, во Полициската станица Аеродром, М. С. (73) од Скопје пријавила дека на улицата Ѓорѓи Капчев во Скопје била касната од куче скитник.
На 5.9.2024, во 15 часот, во Полициската станица Карпош, С. Л. (26) од Скопје пријавила дека на булеварот 8 Септември во Скопје таа и нејзиното бебе биле нападнати од куче скитник, при што таа била касната, а бебето паднало од количката.
На 5.9.2024, во 19.30 часот, во Полициската станица Драчево, И. Т. (26) од Скопје пријавила дека на улицата Јустинјан Први во Скопје била касната од куче скитник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Арсовска е промашена инвестиција“- Таравари цени дека не треба да се остави простор политичари да разрешуваат градоначалници
Според министерот за здравство Арбен Таравари, скопската градоначалничка Данела Арсовска е промашена инвестиција но како што вели не смее да се остави простор политичари да разрешуваат градоначалници.
„Има предлог од ЗЕЛС или градоначалникот на Кисела Вода, како да се разговара за разрешување на градоначалници, јас мислам дека градоначалниците се избираат непосредно од народот. Ние предлагаме промени во законот за локална самоуправа. Значи целта е да рационализираме, да нема избори и во декември или јануари, па октомври повторно идната година“, вели Таравари.
Прецизира дека на градоначалниците мандатот може да им го земе само тој што им го дава, во случајот народот.
„Иако има градоначалници кои иако се избрани од народот не функциниораат како што треба. Јас мислам дека градоначалникот на Кисела Вода се повикаува најмногу на градоначалничката на Град Скопје, која е промашена инвестиција“, додава Таравари.
Според него, треба да има политичка одлука околу разрешувањето.
„Но народот ги избира народот може да ги разреши градоначалниците“, потенцира Таравари.
Спорт
„Македонија ова е за тебе“ – Иџе победи на Европскиот шампионат на ридски патеки во групата 1
Летечкиот Македонец, Игор Стефановски со победа ја заокружи својата тркачка сезона за оваа година.
Тој викендов во Хрватска ја возеше последната трка од шампионатот кој започна на 28.04.2024 во Австрија. На оваа трка заврши трет, а во генералниот пласман на Европскиот шампионат на ридски патеки, во група 1 го освои првото место, по извозени 10 трки низ цела Европа, и тоа низ Австрија, Португалија, Шпанија, Италија, Германија…
Оваа година Иџе се тркаше со автомобилскиот ѕвер од Ферари 488 B8, специјално дизајниран за овие патеки. Стефановски е победник во Европскиот шампионат на ридски патеки, во група 1.
„Благодарност до сите кои беа со мене низ овој пат. Благодарност до мојот неверојатен тим, тимот на Ферари, до моите спонзори, до сите Вас кои ни давате безрезервна поддршка. Овој успех, не е само мој, туку на цела Македонија. “-изјави Стефановски.
Тимот на Видеолотарија Касинос Австрија се радува на неговиот успех. Ние сме горди што веќе деценија заедно навиваме за Иџе и Македонија.
Македонија
Мицкоски за фотографирањето без македонското знаме: Денеска ќе биде врачена протесна нота на амбасадорот на Бугарија
Премиерот Христијан Мицкоски го коментира неистакнувањето на македонското знаме за време на посетата на Сиљановска-Давкова во Софија при средбата со бугарскиот колега Румен Радев. Рече дека денеска ќе биде врачен демарш на амбасадорот на Бугарија.
„Во минатото, кога се понижуваше и распродаваше македонското достоинство, тогаш се молчеше, се виткаше ‘рбетот и се соблазнуваа со тие што нè понижуваа и газеа. Сега дипломатски се испраќаат протесни ноти и нема повеќе да имаме меѓународна политика или, пак, дипломатска со свиткан ‘рбет, кога ќе се помине црвената линија, тогаш треба и да се реагира, затоа што ако не реагирате, тој исклучок понатаму ќе стане пракса. Она што е поважно за мене, Европа и светот можеа да видат на отворена сцена, тоа го очекувавме, кои се вистинските намери на водството во Софија. Не се вистинските намери Бугари во Уставот, тоа е најмалиот проблем, многу е поголема потребата да покажат мускули и да ги покажат своите вистински намери. Кога ќе видиме дека се поминати црвените линии, тогаш ќе мораме да интервенираме и денеска тој демарш ќе му биде врачен на амбасадорот на нашиот источен сосед“, посочи Мицкоски.
За тоа кога ќе продолжат разговорите со бугарските историчари, Мицкоски очекува во духот на пријателството и добрососедството објективно да се преговара и да се договара.
„Тоа се процеси што траат со децении, имаме такви примери во Европа, така што секое избрзано решение произведува избрзани одлуки, а тие избрзани одлуки може да бидат погрешни. Затоа очекувам во еден добрососедски дух членовите на комисиите од двете страни да разговарааат“, истакна премиерот Мицкоски.