Црна хроника
Службени лица ја оштетиле охридската болница за над 3 милиони денари

Секторот за внатрешни работи Охрид поднесе кривична пријава против О.Л.(49) од Струга и против М.К.(48) од Охрид за сторено продолжено кривично дело „злоупотреба на службена положба и овластување“. О.Л., во својство на шеф на отсек за комерција и јавни набавки во ЈЗУ Општа болница Охрид, и М.К. како помошник директор за економски работи во ЈЗУ Општа болница Охрид договарале јавни набавки на услуги за сервисирање и одржување на медицинска опрема само со фирмата „Уни медикал” ДООЕЛ Скопје, при што предвидениот лимит од 1.000.000 денари го надминале за дополнителни 1.262.342 денари.
Притоа, првопријавената и покрај тоа што ставката на проценета вредност на јавна набавка со „Уни медикал” ДООЕЛ Скопје била со вредност од 13.000.000 денари, изготвила одлука со невистинити податоци на износ од 16.000.000 денари со што го надминала предвидениот лимит за 2.202.136 денари.
Со наведените дејствија пријавените предизвикале вкупна материјална штета на ЈЗУ Општа болница Охрид од 3.464.478 денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Овозможил влез на патник со мерка „апси“: кривична пријава за полицаец од скопскиот аеродром

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција поднесе кривична пријава против С.С. поради основи на сомнение за сторено кривично дело ,,несовесно работење во службата“ по член 353-в од Кривичниот законик.
Пријавениот, на работно место „полицаец“ во ПС за ГП „Меѓународен аеродром Скопје“, на 12.08.2025 несовесно постапил при вршење на своите овластувања и должности односно не извршил пасошка контрола на патник кој минувал на СТОП листата на МВР со мерка „апси“ при влез во државата. Со ваквото дејствие полицискиот службеник му овозможил на патникот да оствари влез преку државната граница, го ставил во поволна состојба, му овозможил лична корист и нанел штета на угледот на Министерството за внатрешни работи.
Црна хроника
Полицаец претепан од осуденик во затворот „Идризово“

Вчера околу 11:00 часот во СВР Скопје, од Казнено поправната установа Идризово било пријавено дека во установата, затворски полицаец бил физички нападнат од осуденикот К.А.(33) од Скопје.
Полицијата соопшти дека се преземаат мерки за расчистување на случајот.
Црна хроника
Четирицикл удрил во пешаци во Битолско: четворица повредени

На 24.08.2025 во 16:25 часот во СВР Битола било пријавено дека на регионалниот пат Меџитлија- Старавина се случила сообраќајна несреќа во која четирицикл со битолски регистарски ознаки, управуван од Н.Ј.(36) од општина Новаци, удрил во пешаците Х.С.(25) и В.Т.(36), двајцата од Прилеп.
Во несреќата пешаците се здобиле со тешки телесни повреди, а возачот Н.Ј. и сопатникот од четирициклот С.Р.(32) од Австралија се здобиле со телесни повреди, констатирани во Клиничката болница Битола.
Увидот го извршила увидната екипа на СВР Битола.