Црна хроника
Сообраќајна несреќа меѓу три возила кај Групчин: повредени две лица, од кои едно потешко
Вчеравечер, во 21.50 часот, во СВР Тетово е пријавено дека на регионалниот пат Тетово – Скопје, кај тетовското село Групчин, се случила сообраќајна несреќа, во која учествувале три патнички моторни возила: „фолксфаген голф“, со италијански национални ознаки, управувано од Ш. Р. (38) од скопско Бојане, „мерцедес“, со тетовски регистарски ознаки, што го управувал Ј. Ј. (58) од тетовско Ларце, и „опел“, исто така со тетовски регистарски ознаки, управувано од У. Б. (35) од тетовски Лисец.
Во несреќата сопатничката од возилото „опел“, С. Б. (35) од Лисец, добила тешки телесни повреди, а возачот на „опелот“ и сопатничката од возилото „мерцедес“, Ф. Ц. (49), телесни повреди, констатирани во тетовската Клиничка болница, каде што биле пренесени за укажување лекарска помош.
На местото на несреќата увид извршила екипа од СВР Тетово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Bo Охрид приведен бегалец од Идризово
Денес на улицата Пере Тошев во Охрид, приведен е Б.И. (35) од селото Горно Татеши, Струга, кој бил баран со централна потерница од затворот Идризово поради бегство, информира МВР.
„Б.И. е осуден за кривично дело „тешка кражба“ на казна затвор од осум години и седум месеци, а за доиздржување има пет години, седум месеци и осум денови“, велат од полицијата.
Лицето ќе биде предадено на надлежната казнено поправна установа.
Црна хроника
Затвореник од Идризово нападнал чувар
Вчера во просториите на судско одделение во болниц а во Карпош, вработен во затворот Идризово бил физички нападнат од осуденикот А.В.(21) од Кичево, кого го обезбедувал.
Извршен бил увид и по целосно документирање на случајот ќе следува соодветен поднесок, соопшти МВР во дневниот билтен.
Црна хроника
МВР: Вработена во казино префрлила 396.234 денари од компјутерот на слот машините, па играла иако не и било дозволено
Надворешната канцеларија за криминалистички работи Кочани поднесе кривична пријава против Д.М.(28) поради затајување.
„На 31.12.2024 во Кочани, пријавената – вработена во казино, во неколку наврати, префрлила 396.234 денари од компјутерот на слот машините, по што неовластено ги искористила и покрај тоа што не и било дозволено да игра“, велат од МВР.