Црна хроника
Сосед кираџија ѝ барал пари, па ѝ украл 500 евра

Сосед се заканувал на жена со која делеле ист двор, за да му даде пари, а кога таа избегала, ѝ украл 500 евра од дома.
Во четвртокот, околу 15 часот во Куманово на ул. „Ѓуро Пуцар Стари“ А.И., кој живеел под кирија во истиот двор со Ш.А. (49), извршил разбојништво во нејзиниот дом. А.И. ја искршил влезната врата, влегол внатре, и со вербална закана побарал пари од неа.
Откако Ш.А. успеала да избега, А.И. извршил пребарување и од нејзината чанта одзел 500 евра по апоени од 100 евра. Се преземаат мерки за целосно расчистување на случајот./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Тројца повредени во сообраќајна несреќа меѓу три возила: едното влечело „пинцгауер“, сопственост на ДЗС

Вчера во СВР Велес е пријавено дека околу 23.00 часот, на регионалниот пат Штип-Велес се случила сообраќајна несреќа во која учествувале патничко возило „тојота“ со велешки регистарски ознаки, управувано од Б.И.(66) од Велес, патничко возило „лада“ со велешки регистарски ознаки, управувано од Л.Б.(31) од село Башино Село, велешко, и патничко возило „бмв“ со велешки регистарски ознаки, управувано од Д.М.(31) од Велес, кое влечело возило „пинцгауер“, сопственост на Дирекција за заштита и спасување.
Во несреќата со тешки телесни повреди се здобиле возачот на возилото „тојота“ и неговата 64-годишна сопатничка К.И. од Велес, а со телесни повреди се здобил Д.М., констатирани во Општа болница Велес.
Извршен бил увид од увидна екипа од СВР Велес.
Црна хроника
Пожар во автобус на ЈСП: повредена жена што управувала со возилото

Денеска (21.07.2025) во 07.16 часот во СВР Скопје е пријавено дека на булеварот „Борис Трајковски“ во Скопје настанал пожар во автобус на ЈСП, управуван од С.Б., додека се движел по булеварот.
Огнот бил изгаснат од страна на С.Б., која што потоа со возило на Итна медицинска помош е пренесена во Клиниката за токсикологија при комплексот клиники „Мајка Тереза“ во Скопје, за укажување на лекарска помош. Се преземаат мерки за расчистување на случајот.
Фото: принтскрин
Црна хроника
Едно и полгодишно дете пронајдено во бесвест во базен во Прилепско

Синоќа, околу 20.30 часот, во ПС Прилеп, од страна на доктор од Општата болница „Борка Талески“ било пријавено дека кај нив било донесено едно и полгодишно дете.
Според неговите родители С. И. и Б. Т. од с. Заполжани, општина Долнени, тие го пронашле детето во базенот во нивниот двор во бесвест.
На детето му е укажана помош во прилепската болница по што е пренесено во Клиничкиот центар „Мајка Тереза“ во Скопје. Се преземаат мерки за расчистување на случајот.
Фото: принтскрин