Вчера во 18.00 часот во Куманово, полициски службеници од СВР Куманово ги лишиле од слобода 37-годишниот Б.С., 43-годишниот Н.М. и 38-годишниот З.Ч., тројцата од Штип и 39-годишниот З.П. од Куманово затоа што при преглед во патничкото возило во кое се превезувале бил пронајден алат за извршување кривични дела, додека кај З.П. била пронајдена и одземена бела прашкаста материја.

По целосно документирање на случајот ќе следува соодветна пријава.

Во текот на вчерашниот ден во полициските станици во Скопје, три лица пријавиле каснување од кучиња скитници во градот.

Вчера, во 16.00 часот во Полициската станица Гази Баба, 51-годишната К.Д. од Скопје пријавила дека на улица „Финска“ во Скопје била касната од куче скитник.

Вчера во 11.00 часот во Полициската станица Кисела Вода, 42-годишниот И.Р. од Скопје пријавил дека на улицата „1512“ во Скопје бил каснат од куче скитник.

Вчера во 14.50 часот во Полициската станица Аеродром, 27-годишната А.Н. од село Долно Лисиче, скопско, пријавила дека на булевар „12 Македонска бригада“ во Скопје била касната од куче скитник.

Вчера во 13.30 часот во Скопје, на подрачјето на Драчево, полициски службеници од Единицата за недозволена трговија при СВР Скопје го лишиле од слобода Ф.А.(33) од Скопје. При претрес во неговиот дом, извршен со судска наредба, била пронајдена и одземена бела грутчеста материја.

Вчера во 08.00 часот во Скопје, на подрачјето на Гази Баба, полициски службеници од Единицата за интервентна полиција при СВР Скопје го лишиле од слобода Ф.М.(46) од Скопје затоа што кај него била пронајдена и одземена марихуана.

Вчера во 13.00 часот во Скопје, на подрачјето на Центар, полициски службеници од Единицата за интервентна полиција при СВР Скопје го лишиле од слобода С.Л.(21) од Скопје, затоа што кај него била пронајдена и одземена бела прашкаста материја.

Вчера во 19.30 часот во Скопје, на подрачјето на Центар, полициски службеници од Единицата за недозволена трговија при СВР Скопје лишиле од слобода малолетник од Скопје, затоа што кај него била пронајдена и одземена марихуана.

Денеска во 01.50 часот во Скопје, на подрачјето на Гази Баба, полициски службеници од Единицата за интервентна полиција при СВР Скопје го привеле Н.А.(21) од Скопје, затоа што кај него биле пронајдени и одземени пневматски пиштол и нож.

Вчера во 23.15 часот во Скопје, на подрачјето на Бит Пазар, полициски службеници од Единицата за интервентна полиција при СВР Скопје го привеле К.А.(26) од Скопје, затоа што кај него бил пронајден и одземен нож.

По целосно документирање на случаите, од полицијата ќе следува соодветна пријава.