Црна хроника
Со возило на паркинг удрил во жена и побегнал

Непознато лице со автомобил удрил во 68-годишна жена на паркинг пред маркет во Кавадарци по што побегнал.
Повредената жена со тешки телесни повреди била пренесена во болницата во Кавадарци, каде што ѝ била укажана лекарска помош.
Извршен бил увид на местото и се преземаат мерки за пронаоѓање на возачот и возилото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
По четири години поминати во бегство фатен затвореник од Идризово

Полицијата го приведе А.А. од Скопје, 54-годишен затвореник од Идризово, баран со централна и меѓународна потерница поради бегство од затворот.
Тој бил осуден на казна затвор од 10 години и пет месеци за неовластено производство и пуштање во промет наркотични дроги, неовластено изработување, држење и тргување со оружје и фалсификување исправа.
Му останале уште шест години и два месеци за доиздржување на затворската казна, но пред четири години, на 5 февруари 2021 година, побегнал кога бил пуштен на домашно отсуство.
Од МВР велат дека затвореникот ќе биде предаден на надлежната казнено поправна установа.
Црна хроника
Кривична пријава за поранешен директор на јавното комунално претпријатие од Струмица

Полицијата поднесе кривична пријава против З.Г.(56) од Струмица, поранешен директор на јавно комунално претпријатие од Струмица поради постоење на основано сомнение дека сторил кривично дело „злоупотреба на службена положба и овластување“ и против Е.Н.(42), управител на правно лице од Струмица за сторено кривично дело „злоупотреба на службена положба и овластување“.
Првопријавениот З.Г., извршувајќи ја функцијата директор на јавно комунално претпријатие од Струмица во текот на 2022 година, злоупотребувајќи и искористувајќи ја својата службена положба склучил договор за период од 10 години за закуп на деловен простор лоциран во Градската капела на Градските гробишта во Струмица со пријавената Е.Н. како управител на правното лице од Струмица, со закупнина од 14.200 денари со ДДВ месечно или вкупно 170.400 денари за една година.
Во 2023 година пријавените З.Г. и Е.Н. со умисла извршиле и второ временски поврзано дејствие, односно потпишале уште еден ист договор за закуп за период од 10 години и покрај тоа што претходниот договор од 2022 година бил во важност, за кое нешто од страна на Е.Н. како управител веднаш е извршена уплата за закупнина во вкупен износ од 1.704.000 денари.
Од горенаведеното е утврдено дека првопријавениот З.Г. во текот на 2022 година и 2023 година и овозможил на второпријавената Е.Н. како управител на правното лице од Струмица да врши дејност во објект кој согласно Законот за гробишта и погребални услуги не смеел да се издава на трети лица и со тоа дејствие истиот овозможил јавното комунално претпријатие противправно да се стекне со 1.874.400 денари.
Црна хроника
Уапсен крадец од Кавадарци – крадел во куќи, викендички, продавници

Полицијата поднесе кривична пријава против О.В.(42) од Кавадарци поради постоење основи на сомнение за сторени 11 кривични дела, од кои девет кривични дела „тешка кражба“ и две кривични дела „кражба”.
Во периодот од септември 2024 година до јануари 2025, О.В., најчесто со употреба на сила и подесен алат, од викенд куќи, семејни домови, верски објекти и продажен објект, на подрачје на Кавадарци и Росоман украл различни предмети.
Со извршување на делата тој се стекнал со противправна имотна корист од околу 466.000 денари. На 16 јануари О.В. е ауспен, а по издадена наредба од Основен суд Кавадарци, при извршен претрес во домот каде престојувал, биле пронајдени и одземени предмети од извршените кривични дела.