Црна хроника
Му ја скршиле главата на сопственик на скопски ресторан затоа што не сакал да им пушти музика
Основното јавно обвинителство Скопје отвори истрага против три лица под сомнение дека извршиле кривично дело насилство во угостутелски објект во Скопје.
Според информациите, осомничените како гости во угостителски објект лоциран во трговскиот центар „Беверли Хилс“, на 13 март годинава, дејствувајќи како група, извршиле грубо насилство врз сопственикот на локалот, а кај присутните гости и вработени предизвикале чувство на загрозување, страв и несигурност.
Двајца од осомничените биле незадоволни од третманот и услугата и почнале вербална расправија со оштетениот инсистирајќи во локалот да им биде пуштена одредена музика по нивна желба. Сопственикот одбил со образложение дека работното време на објектот е истечено и мора да го затвори. По ова, осомничените му се заканиле и почнале да кршат шишиња и чаши, а кога им било наложено да го напуштат објектот, физички го нападнале сопственикот удирајќи го со тупаници во пределот на главата и телото.
Кон тепачката се приклучило и третото осомничено лице, кое дополнително влегло во објектот, па замавнувајќи со дрвена рачка од метла, повеќепати го удрил сопственикот.
Од нанесените удари сопственикот добил тешки повреди – повеќе набиеници и една скршеница во пределот на главата – по што успеал да се оттргне и засолни во кујната на локалот.
По предлог на надлежен јавен обвинител, судија на претходна постапка при Основниот суд Скопје 1 на тројцата насилници им определил мерки на претпазливост.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.