Црна хроника
Со закана изнудила над 1.000 евра, притвор за жена од Демир Капија
31-годишна жена од Скопје со закани успеала да изнуди над 1.000 евра.
СВР Скопје поднесе кривична пријава против М. С. (31) од Демир Капија поради постоење основи на сомнение за сторено кривично дело изнуда по член 258 од Кривичниот законик.
Жената се сомничи дека во повеќе наврати упатила закани кон Г. Р. (45) од Скопје и од него изнудила да ѝ исплати над 60.000 денари.
М. С. била лишена од слобода и во координација со јавен обвинител, против неа е поднесена пријавата, а од судија на претходна постапка ѝ била определена мерка притвор во траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Aвтомобил излета од автопат кај клучката кај Коњари, 60-годишна жена тешко повредена
Вчера, на автопатот Штип – Скопје, во близина на клучката кај Коњари, патничко возило „фолксваген голф“, со кичевски регистарски ознаки, управувано од З. Ј. (39) од Кочани, излетало од коловозот.
Во несреќата тешки телесни повреди добила сопатничката Л. Ј. (60) од Кочани, а другиот сопатник Г. Ј. (64) од Кочани добил телесни повреди констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
23-годишна девојка од Кочани истепала и ограбила жена од Штип, расчистено разбојништвото
Вчера, во 16 часот, на улицата Христијан Карпош во Штип, полициски службеници од Отсекот за општ криминал и Полициската станица Штип при СВР Штип ја лишиле од слобода 23-годишната Џ. С. од Кочани, извести МВР.
„Таа се сомничи дека на 15.5.2024 извршила кривично дело разбојништво над Л. М. (69) од Штип, при што физички ја нападнала и ѝ ја одзела чантата со пари и документи“, соопшти МВР.
Џ. С. била задржана во Полициската станица и во службен разговор го признала делото. Одземените предмети биле пронајдени и вратени на сопственичката. По целосно документирање на случајот, против Џ. С. ќе биде поднесена соодветна пријава.
Топ
Пронашле граната од Првата светска војна и ја однеле во Полициската станица Берово
Регионалниот ЦУК Штип известува дека, вчера, во 12.30 часот, во станицата на Полициската станица Берово беше донесено неексплодирано убојно средство, а се претпоставува дека е од Првата светска војна, веднаш потоа беше преземена од страна на пиротехничар од ДЗС Берово за негово уништување.
„Ваквата постапка можеби изгледа правилна, но тоа е само делумно зашто е стапено во контакт со полицијата и сепак е несоодветна од безбедносен аспект. Поради своја безбедност и на околината, граѓаните треба да постапуваат во согласност со безбедносните препораки при вакви случаи. Кога ќе пронајдат какви било неексплодирани убојни средства (НУС) или остатоци од минатите војни, препорака до граѓаните е да не ги фаќаат и поместуваат, туку, едноставно, да се јават на 112 во ЦУК и со НУС ќе се постапува според стандардните оперативни процедури за вакви случаи од страна на професионалци – пиротехничари, безбедно и за нив и за сите во нивната околина“, соопштуваат од ЦУК.