Црна хроника
Со метална прачка го тепал во слаткарница

Во саботата во Куманово, еден маж тепал друг со метална прачка, додека овој седел пред слаткарница.
Имено, околу 7.30 часот во Куманово на ул.„11-ти Октомври“бб, додека А.И.(48) од село Слупчане, со лицето Ф.Ј., седеле во слаткарницата „Романтика“, дошле Ф.Х.(46), Ф.С.(48) и Ф.З.(51) сите од село Черкези, и поради претходна нетрпеливост најпрвин Ф.З. го испрскал А.И со спреј во очите, а потоа Ф.С. со метална прачка го удрил во пределот на главата и телото, по што успеал да избега.
А.И. со возило на брза помош е однесен во Ургентниот центар-Куманово каде му се констатирани телесни повреди (нагмечување-хематом и расекотини на главата) и е задржан на лекување. Се преземаат мерки за целосно расчистување на настанот./крајсо/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Уапсени три лица од Кривопаланечко поради извршено кривично дело убиство

Вчера во 18.25 часот, полициски службеници од ОВР Крива Паланка ги лишиле од слобода 24-годишниот З.Ф., 19-годишниот С.Ф. и 44-годишниот С.Ф. од село Луке, кривопаланечко.
Тие се сомничат дека го убиле Љ.С. (84) од село Луке, кој на 29.03.2025 бил пријавен за исчезнат. Телото на Љ.С. било пронајдено закопано во непосредна близина на неговата куќа во село Луке, а увид извршила екипа од СВР Куманово.
По насока на јавен обвинител, телото е предадено за обдукција, а по целосно расчистување и документирање на случајот ќе биде поднесена соодветна пријава.
Црна хроника
Штипјанец удрил во паркирано возило и избегал: полицијата го пронајде и го уапси

Денеска околу 00.20 часот во Штип, полициски службеници од ПС БПС Штип го лишиле од слобода 40-годишниот Е.А. од Штип, извести МВР.
Е.А. на 01.04.2025 околу 22.40 часот во Штип со патничко возило „сеат“ со штипски регистерски таблички удрил во паркирано возило и го напуштил местото на настанот.
По преземени мерки од страна на полициски службеници, Е.А. е пронајден и лишен од слобода, а било констатирано дека има 1,77 промили алкохол во крвта и дека нема положен возачки испит.
По целосно документирање на настанот, против него ќе биде поднесена пријава по член 297-а од Кривичниот законик – „безобѕирно управување со моторно возило“.
Црна хроника
Приведен бегалец од затвор, вратен е во КПУ „Идризово“

Вчера во 16.30 часот на улица „168“ во Тетово, полициски службеници од СВР Тетово, врз основа на судска наредба, го привеле 35-годишниот Ф.С. од Тетово, кој бил баран со потерница поради бегство од КПУ Идризово.
Ф.С. бил осуден на шест години и 10 месеци за сторени кривични дела по член 215 и 396 од КЗ, а за доиздржување имал една година, 10 месеци и 6 дена.
Тој бил спроведен во КПУ Идризово за доиздржување на казната.