Црна хроника
Со 3,46 промили возел низ Куманово, полицијата веднаш реагирала

49-годишен маж од селото Долно Којнаре, Куманово, бил лишен од слобода откако во сообраќајна контрола било утврдено дека управувал возило под силно дејство на алкохол. Како што информираат од Секторот за внатрешни работи Куманово, инцидентот се случил вчера попладне околу 17 часот на улицата Борис Кидрич.
„Полициски службеници го сопреле патничкото возило „Рено“ со кумановски регистарски ознаки, управувано од Н.М. (49), при што бил извршен алкотест. Измерени се дури 3,46 промили алкохол во крвта“, изјавија од СВР Куманово.
Веднаш по утврдувањето на состојбата, возачот бил исклучен од сообраќај и приведен во полициска станица. Од таму најавуваат дека по целосно документирање на случајот, против него ќе биде поднесена кривична пријава за „безобѕирно управување со моторно возило“ по член 297-а од Кривичниот законик.
Од полицијата апелираат до граѓаните да не се впуштаат во сообраќај под дејство на алкохол, бидејќи тоа претставува сериозна опасност и за нив и за останатите учесници во сообраќајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Скопјанец ја турнал мајка си, ја давел, па кршел саксии по дворот, Обвинителството бара притвор

Скопското Обвинителство поведе постапка против 40-годишен маж од Скопје, осомничен дека извршил телесна повреда врз својата мајка, во инцидент што се случил на 21 септември во семејниот двор на улицата „Славејко Арсов“.
Според истрагата, осомничениот на висок тон барал пари од своите родители. Неговиот татко, вознемирен, го напуштил дворот, но синот продолжил да ѝ се обраќа на мајка си со навреди и грубости, по што и физички ја нападнал – се обидел да ѝ го земе телефонот, ја турнал на земја и почнал да ја дави за вратот.
Исплашена за својот живот, жената успеала да се тргне на страна, додека синот продолжил да уништува предмети и саксии низ дворот. Таа задобила телесни повреди, а Обвинителството побара притвор, поради ризик од бегство и загрозување на жртвата, со која и понатаму живее во иста заедница.
Црна хроника
Кривична пријава против директор на ЈП за стопанисување со државни шуми „Национални шуми“

Полицијата во Дебар поднесе кривична пријава против Л.Р.(61) од Дебар, поради постоење основи на сомнение за сторено кривично дело „злоупотреба на службена положба и овластување“.
Според информациите на МВР, тој, во текот на 2024 година, во својство на директор на Јавно претпријатие за стопанисување со државни шуми „Национални шуми“, ПО Скопје, подружница „Стогово“- Дебар, објавил јавен повик за склучување на договор за закуп на плац за складирање на огревни дрва во Дебар, по што, со злоупотреба на службената положба и овластување, подметнал фиктивна понуда за плац, наводно навремено поднесена и со пропуштање на должен надзор и увид дали парцелата ги исполнува минималните услови наведени во јавниот повик, спротивно на предвидените услови, склучил договор за подзакуп и закуп на недвижен имот градежно неизградено земјиште во Дебар.
Со тоа, пријавениот на јавното претпријатие му нанел штета од 615.495 денари.
Црна хроника
Ограбена девојка додека седела во кафуле во Центар, малолетник со тротинет ѝ ја украл чантата

Вчеравечер во 22:05 часот Е.К.(23) од Скопје пријавила во полиција дека околу 20:40 часот, додека седела во угостителски објект на подрачјето на Центар, малолетно лице кое управувало електричен тротинет ѝ одзело чанта со паричник и лични предмети.
Се преземаат мерки за расчистување на случајот.