Црна хроника
Средовечна жена загина во сообраќајка на патот Битола-Прилеп

Едно лице загина во тешка сообраќајна несреќа што се случи во вторник попладне на регионалниот пат Битола-Прилеп.
Во несреќата учествувале автомобил „фолксваген пасат“ управувано од лице, жител на битолското село Трн, на возраст од 31 година, и автомобил марка „опел вектра“ управувано од жител на Прилеп, на возраст од 58 години.
На лице место починала сопатничка во возилото „Опел Вектра“, на возраст од 55 години, додека, пак, со тешки телесни повреди се здобил возачот кој поради сериозноста на повредите е транспортиран на лекување во Скопје, и една сопатничка од „пасатот“.
Веднаш по добиената информација за случената сообраќајна несреќа, на лице место е извршен увид од страна на дежурен јавен обвинител од Основното јавно обвинителство Прилеп, заедно со увидна екипа при МВР ПС Прилеп и стручно лице од областа на сообраќај.
Обвинителството издаде наредби за подигање и обезбедување на траги од местото на настанот и наредба за обдукција врз телото на починатата за утврдување на причините за смртта. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Пожар во стан во Делчево, 16-годишно девојче побарало медицинска помош

Синоќа во 00.19 часот во ОВР Делчево е пријавено дека во Делчево настанал пожар во стан, сопственост на Ф.Д., во кој во моментот немало никој.
Од Територијалната противпожарна единица Делчево, пожарот е изгаснат.
Подоцна, во 02.00 часот во Итната медицинска помош Делчево, 16-годишна малолетничка, која живее во истата зграда, побарала помош поради отежнато дишење. Извршен е увид.
Црна хроника
Тепачка на „Партизанска“ – малолетник избоден со остар предмет

Малолетник бил избоден со остар предмет на „Партизанска“ во Скопје.
Според информациите на МВР, СВР Скопје поднесе кривична пријава против 16-годишник од Скопје поради постоење основи на сомнение за сторено кривично дело „тешка телесна повреда“.
На 02.06.2025 на бул. „Партизански oдреди“ во Скопје, пријавениот, по претходна расправија, со остар предмет му нанел убодни рани на 17-годишник.
Црна хроника
Кривична за охриѓанец: при претрес пронајдено оружје во неговата куќа

СВР-Охрид поднесе кривична пријава против А.Д.(27) од Охрид, поради постоење основи на сомнение за сторено кривично дело „Неовластено изработување, држење, посредување и тргување со оружје и експлозивни материи“.
При претрес извршен по судска наредба во неговата куќа во охридското село Сирула, полициските службеници пронајдоа и одзедоа 2 ловни и 1 пневматска пушка кои, пријавениот ги поседувал без соодветна дозвола.
При тоа, одземено е и оружје за кое пријавениот поседувал соодветна дозвола.