Црна хроника
Српски возач на камион обвинет за сообраќајка во која загина мотоциклист во Скопје
Скопското основно јавно обвинителство поднесе обвинение против српски државјанин за кривично дело тешки дела против безбедноста на луѓето и имотот во сообраќајот.
Обвинетиот како учесник во сообраќајот не се придржувал кон прописите и со тоа предизвикал инцидент во кој животот го загубил скопјанец, кој управувал мотоцикл.
На 18 јуни возачот управувал камион марка „мерцедес бенз/акрос“ со приколка натоварена со четири моторни возила, сопственост на српска фирма.
Тој се движел по крајната лева сообраќајна лента на булеварот Киро Глигоров и пристигнал на крстосницата со улицата Индустриска. Тогаш навлегол свртувајќи лево кон Индустриска без да го почитува првенството на минување на возилата кои доаѓале по булеварот Киро Глигоров, иако бил свесен дека поради таквиот начин на управување може да предизвика штета.
Во тој момент во задниот десен дел од каминот и предниот десен дел од приколката бил удрен од мотоцикл марка „кавасаки“, управуван од скопјанец, кој се движел по крајната десна сообраќајна лента на булеварот Киро Глигоров, од спротивна насока. Од повредите здобиени во несреќата, мотоциклистот починал.
Надлежниот јавен обвинител доставил предлог за определување притвор за обвинетото лице, кое по несреќата привремено било сместено во Центарот за странци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Исчезна Турчинка која престојувала во хотел во Скопје
Вчера во 23.00 часот во Полициската станица Бит Пазар, Е.Б.(34) од Република Турција пријавила дека нејзината мајка А.П.О.(73) од Република Турција се оддалечила од хотел во Скопје каде престојувала.
Се преземаат мерки за пронаоѓање на лицето.
Црна хроника
Скопјанец натепал скопјанка во Карпош, а потоа агресивно се однесувал и со полицајците
Вчера во 11.20 часот на подрачјето на Карпош, полициски службеници од СВР Скопје го привеле К.Л.(41) од Скопје, затоа што физички ја нападнал О.Л.(39) од Скопје, а потоа агресивно се однесувал кон полициски службеници кои извршувале службени дејствија.
По целосно документирање на случајот ќе следува соодветен поднесок.
Црна хроника
Оштетил паркирано возило, врата и инвентар во кафеана, такси-возило: кривична против маж од Делчево
Надворешната канцеларија за криминалистички работи Делчево поднесе кривична пријава против В. А. (36) од Делчево.
Тој се сомничи за сторено кривично дело насилство.
На 8.5.2024 пријавениот оштетил влезна врата и друг инвентар во угостителски објект, се обидел да оштети стакло од возачка врата на такси-возило, во обложувачница оштетил врата од наплатниот пулт, по што оштетил возило паркирано пред Територијалната противпожарна единица и физички нападнал двајца вработени.