Црна хроника
Тројца обвинети за насилство во гостиварско Сенокос

По спроведена истражна постапка, јавен обвинител од Основното јавно обвинителство Гостивар поднесе обвинение против три лица за извршено насилство. Според информациите, тие без причина претепале едно лице и со нож му нанеле убодна рана.
„Обвинетите на 3 јануари, во селото Сенокос, како соизвршители во група извршиле грубо насилство и ја загрозиле сигурноста на друг, а во јавноста предизвикале чувство на несигурност и страв. Откако оштетениот го оставил својот автомобил пред салон за миење возила, од блиското кафуле излегол еден од обвинетите и без причина го нападнал со нож, нанесувајќи му една убодна рана во рамото. Веднаш потоа од кафетеријата излегле и другите двајца обвинети, кои започнале да го удираат со тупаници, клоци и дрвени палки по целото тело. Оштетениот бил префрлен во гостиварската болница, каде што му биле констатирани тешки телесни повреди“, соопшти обвинителството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.