Полицијата го приведе Б.Р.(70), сопственик на угостителски објект од Гостивар.

Во содејство со инспектори од Дирекција за заштита и спасување – Скопје, била извршена контрола на противпожарните апарати во угостителски објект во Гостивар, при што било утврдено дека картонот за сервисирање не е оригинал.

Б.Р. е задржан во полициска станица и против него ќе следува соодветен поднесок.

Дваесет и осумгодишен пешак се здобил со тешки повреди откако во него удрил автомобил, а возачот избегал од местото на несреќата.

Според информациите на полицијата, сообраќајната несреќа се случила вчеравечер на ул.„Борис Трајковски“ во Скопје.

„Во СВР Скопје било пријавено дека околу 18.15 часот на ул.„Борис Трајковски“, во близина на крстосница со ул.„Саса“, во Скопје патничко возило удрило во пешакот С.М.(28) од с.Страхојадица,скопско, по што возачот со возилото го напуштил местото на настанот. Во несреќата со тешки телесни повреди се здобил пешакот, констатирани во Градската општа болница „Св.Наум Охридски““, соопшти МВР.

Извршен бил увид од увидна екипа од СВР Скопје и се преземаат мерки за расчистување на случајот.

Граната од Првата светска војна е пронајдена во куќа во кочанското село Нивичани.

Според информациите од полицијата, В. М. (34) вчера пријавил дека додека расчистувал во стара куќа, сопственост на неговите родители, која се наоѓала веднаш до неговата во селото Нивичани, пронашол артилериска граната во калибар од 75 мм од Првата светска војна.

Од МВР информираат дека гранатата е безбедно подигната од страна на Дирекцијата за заштита и спасување.