Црна хроника
Фатен крадец на мобилни телефони по кафеани во Скопје
Фатен крадец на мобилни телефони во Скопје. Полицијата поднела кривична пријава против А.Д.(40) од Прешево-Република Србија, поради „затајување“ и две кривични дела „кражба“.
Тој кражбите ги извршил во текот на јуни годинава со што се стекнал со противправна имотна корист од околу 72 262 денари. Две од кривичните дела („затајување“ и „кражба“) ги извршил на ист начин во два угостителски објекти, каде искористувајќи ја љубезноста на оштетените, под изговор дека батеријата од телефонот му е испразнета, а треба итно да се јави, од истите во едниот случај затаил, а во другиот случај одзел вкупно два мобилни телефони. Третото кривично дело „кражба“ го извршил во продавница за мобилни телефони, каде искористувајќи го невниманито на вработените одзел еден мобилен телефон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
31-годишен велешанец тешко повреден: со возилото излетал од патот
Утрово во 06.15 часот во СВР Велес било пријавено дека на автопатот А-1, делница Велес – Скопје, патничко возило „фолксваген голф“ со велешки регистарски ознаки, управувано од П.К (31) од Велес, излетало од коловозот.
Во несреќата, возачот се здобил со тешки телесни повреди, констатирани во болницата во Велес.
За настанот е известен јавен обвинител и по негово овластување, полициски службеници од СВР Велес извршија увид на местото.
Црна хроника
Товарно возило излета од патот во Тетовско: тешко повреден маж од Србија
Во СВР Тетово вчера во 18.30 часот било пријавено дека на автопатот Скопје – Тетово, кај мостот на река Вардар во тетовско Желино, товарно возило „волво“ со српски национални ознаки, управувано од Ж.Ј.(65) од Република Србија, излетало од патот.
Во несреќата со тешки телесни повреди се здобил возачот, констатирани во Клиничка болница Тетово.
По овластување на јавен обвинител, увид на местото извршила екипа од СВР Тетово.
Црна хроника
Мотоцикл удрил во паркирано возило на „Партизанска“
Синоќа во 21.35 часот во СВР Скопје било пријавено дека на бул. „Партизански одреди“ во Скопје, мотоцикл со скопски регистарски ознаки, управуван од И.П.(39) од Скопје, удрил во запрено патничко возило „фолксваген голф“ со скопски регистарски ознаки, паркирано од В.Л.(23) од Скопје.
Во несреќата со тешки телесни повреди се здобил возачот на мотоциклот, констатирани во приватна болница.
Извршен бил увид од увидна екипа на СВР Скопје.