Топ
(Фото) Апсење во Скопје: пронајдена дрога, приведени тројца дилери
Вчера во 22.30 часот во Скопје, на подрачјето на Карпош, полициски службеници од Единицата за недозволена трговија при СВР Скопје го лишиле од слобода М.Т.(36) од Скопје. При претрес во неговиот дом, извршен со судска наредба, биле пронајдени и одземени марихуана и бела прашкаста материја.
Денеска во 00.30 часот, полициски службеници од Единицата за недозволена трговија при СВР Скопје го лишиле од слобода Д.Т.(52) од Скопје. По добиена судска наредба, извршен е претрес во домот во кој престојува на подрачјето на Кисела Вода, во неговото возило „тојота“, како и во подрумските простории кои лицето ги користи, при што биле пронајдени и одземени марихуана, бела прашкаста материја, кафеава прашкаста материја, семки од растението канабис, различни видови таблети и две дигитални ваги.
Денеска, полициски службеници од Единицата за недозволена трговија при СВР Скопје го лишија од слобода и Џ.А. од Скопје. По претходно добиена судска наредба, беше извршен претрес и во неговиот дом на подрачјето на Гази Баба, при што беа пронајдени и одземени неколку тегли и неколку други пакувања со марихуана и дигитална вага, соопшти МВР.
Лицата биле задржани во полициска станица и по целосно документирање на случаите против нив ќе бидат поднесени соодветни кривични пријави до ОЈО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Ураганот Кирк денеска ќе зафати дел од Балканот: направи хаос во Шпанија и Португалија
Дел од Балканот, поточно Бугарија, денеска ќе биде зафатен од ураганот Кирк, кој вчера предизвика хаос во Европа.
Ураганот Кирк вчера погоди делови од Португалија, Шпанија и Франција, при што загина едно лице.
Во Португалија вчера беа забележани удари на ветер од 225 километри на час, а во некои делови беше толку силен што дури и преврте чамци.
Бугарскиот климатолог Симеон Матев изјави дека опашката на овој ураган подоцна денеска ќе зафати делови од земјата.
Paris faces widespread flooding as the remnants of Hurricane Kirk, now a storm, strike western Europe.
The Seine-et-Marne department issued a red alert for flood risks.
In Pommeuse waters rose to 3.74m, surpassing the 2016 record of 3.42m.
Hundreds of homes were evacuated and… pic.twitter.com/rkYGtnnNzV
— Viory Video (@vioryvideo) October 11, 2024
Нема да предизвика големи штети, но се очекува да има врнежи кои попладне ќе зафатат делови од земјава. Со оглед на тоа дека се работи за опашката на ураганот, која значително ослабна откако погоди делови од Шведска, не се очекува да предизвика големи штети.
Матев вели дека ураганот Кирк е со помал интензитет од Милтон кој ја погоди Флорида и дека зафаќа помала површина и испушта помалку енергија.
„Кога се во прашање ураганите, факторот изненадување е секогаш присутен, тие никогаш не ги следат предвидените патеки“, објасни климатологот.
Македонија
Започнаа увидни дејствија во опожарена зграда во Чаир
Откако од страна на СВР Скопје беа извршени сите подготовки и беше обезбеден влез во објектот, Основното јавно обвинителство Скопје и полициски екипи ги започнаа увидните дејствија во зградата на улицата „Прохор Пчињски” во Чаир каде на 2 октомври избувна пожар во подрумските простории.
Пристапот до објектот се врши строго контролирано и најпрвин во присуство на станарите се врши попис на предмети и штетата на станбените единици, извести МВР.
Подрумските простории, од каде според првичните информации започнал пожарот, се уште се обезбедуваат за пристап и испитување на причините. Траењето на увидните дејствија на терен ќе зависи од времето неопходно за прибирање на сите докази, додава МВР.
Свет
(Видео) Воздушните снимки го откриваат вистинскиот размер на катастрофата во Флорида: ураганот Милтон остави пустош
Најмалку 16 лица загинаа кога ураганот Милтон ја погоди Флорида, предизвикувајќи поплави, силни ветрови и торнада, потврдија официјални лица за Си-би-ес.
„Милтон“ во четвртокот остави без струја повеќе од 3 милиони потрошувачи.
Ураганот ја погоди земјата како бура од трета категорија, со ветрови посилни од 200 км/ч.
Донесе силен дожд, бранови од неколку метри, додека беше издадено предупредување за повеќе од 20 торнада, од кои некои оставија пустош по нив.
Бранот на уништување најдобро се гледа од воздушните снимки:
Drone footage showed destroyed buildings, uprooted trees and debris after tornados triggered by Hurricane Milton ripped through Florida https://t.co/DwAI0gmXR2 pic.twitter.com/nUMDSvYEtA
— Reuters (@Reuters) October 11, 2024
Спасувачките напори се во тек откако смртоносниот ураган ја зафати Флорида, предизвикувајќи поплави, уривајќи кранови и го однесе покривот на стадионот.
Иако се стравува дека бројот на загинати ќе расте, властите велат дека е избегнато најлошото сценарио.
Како петти најсилен ураган во Атлантикот во историјата, Милтон би можел да ги чини осигурителните компании до 100 милијарди долари, велат аналитичарите.
Drone footage shows devastation, search and rescue efforts after Milton Hurricane in Florida, US https://t.co/s4JB5ZW8KH
🎥: Lokman Vural Elibol pic.twitter.com/wnuwPt1gan
— Anadolu Images (@anadoluimages) October 11, 2024
Белата куќа вети поддршка на владата бидејќи се уште се утврдува целосниот обем на штетата.