Црна хроника
Цариниците спречиле обид за изнесување на фалсификат евра

Царинските службеници од граничниот премин Табановце спречија обид за изнесување од државата на дваесет и седум илјади и седумстотини фалсификувани евра, откако во понеделникот српски државјанин се обидел да ги изнесе овие лажни девизи надвор од земјата.
Имено, во понеделникот околу 7 часот наутро, на граничен премин Табановце за излез од Република Македонија се пријавило патничко возило со српски регистарски таблици управувано од српски државјанин. На прашање на царинските службеници дали има нешто да пријави за царинска контрола, лицето одговорило дека нема ништо за пријавување, но и покрај таквата изјава, поради постоење на сомнение возилото и лицето биле селектирани за преглед. При контролата на возилото и патникот, во наслонот помеѓу предните седишта, во врзано снопче со ластик замотани во бела хартија пронајдени биле девизи.
Царинските службеници забележале дека има 39 банкноти во апоени од по 100 EUR со ист сериски број, понатаму увиделе и дека 39 банкноти во апоени од по 200 EUR имаат ист сериски број, како и дека 32 парчиња во апоени од по 500 EUR исто така имаат ист сериски број. При преглед со UV лампа констатирано било дека девизите се со лош квалитет и се фалсификувани. По извршениот преглед, српскиот државјанин бил лишен од слобода и предаден на инспекторите од Одделението за истраги при Царинската управа, со цел преземање на понатамошни предистажни дејстивја.
Од спроведената предистражна постапка, собрани се докази кои укажуваат дека осомиченото лице фалсификуваните евра ги изготвил сам и ги испечатил со печатач во боја на обична хартија, а истото е потврдено од страна на НБРМ при вештачењето на парите.
Царинската управа против осомничениот до ОЈО Куманово поднесе кривична пријава за сторено кривично дело „Фалсификување пари“, а осомничениот е предаден на судија за претходна постапка во ОС Куманово кој му одреди мерка претпазливост – привремено одземање на патна исправа со обврска да се јавува во судот два пати неделно./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кривична против полицаец од Интервентна поради поткуп

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција Скопје, во соработка со Одделот за сузбивање на организиран и сериозен криминал при МВР поднесе кривична пријава против А.Б. на работно место виш полицаец во Единица за интервентна полиција при СВР Скопје, поради постоење основи на сомнение дека сторил кривично дело „давање поткуп“ по член 358 став 1 од КЗ.
Според документираните сознанија, пријавениот во текот на февруари и март годинава посредувал кај друг полициски службеник вработен на ГП Долно Блаце, односно понудил и дал поткуп со цел полицискиот службеник да не ја изврши својата службена должност, односно да не евидентира влез во државава на македонски државјанин на ГП Долно Блаце, така што од негова страна евидентиран е турски државјанин. Пријавениот е лишен од слобода и задржан во полициска станица, а од страна на Основниот кривичен суд Скопје изречена му е мерка претпазливост и забрана за вршење на дејност. Воедно ОВККИПС против А.Б. ќе поднесе и предлог за поведување на постапка за кршење на работниот ред и дисциплина.
Црна хроника
25-годишник од Велес со тешки повреди пренесен во болница: управувајќи мопед, паднал на коловозот

Вчера во 22:15 часот во СВР Велес е пријавено дека на улицата „Васил Ѓоргов“ во Велес, 25-годишниот К.П. од Велес управувајќи мопед со скопски регистарски ознаки, паднал на коловозот.
Во несреќата со тешки телесни повреди се здобил К.П., констатирани во Општата болница Велес. Извршен бил увид од СВР Велес.
Црна хроника
При градежни активности на имот во Кисела Вода била оштетена цевка од гасовод, при што имало истекување гас

Вчера во 11:37 часот во СВР Скопје било пријавено дека при ископ и вршење градежни активности на имот на правно лице на булеварот „Борис Трајковски“, на подрачје на Кисела Вода во Скопје, била оштетена цевка од гасовод, при што имало истекување на гас.
Полициски службеници од ЕВР Кисела Вода и инспектор за животна средина излегле на местото и било констатирано дека од страна на фирмата „Нома гас“ биле исклучени вентилите и појасниле дека на местото нема присуство на гас.
Увид бил извршен и по целосно документирање на случајот, ќе биде поднесена пријава по член 291 од Кривичниот законик – „уништување или оштетување на јавни инсталации“.